Karayilan'î sernî de eleqe ant talukeyê weşiya Ocalan'î ser û wina va: “Qewimyayişê şewa hewldana darbe û spekulasyonê derheqê Îmralî de, gumanê (qaxû) şarê ma kerdê vêşî. Ma rind zanê ke sîstemê Îmralî destê Erdogan'î de yo. Wa xulkê şarê ma teng nêkerê û bi psîkolojiyê şarê ma ra kay nêkerê. Embazê ma yê ke nê kerdenan qebûl nêkene, pêsero ma rê raporan nûsnenê. Ma bi zorî embazanê xo tepêşenê.”
Karayilan'î aqûbetê lejê tifîngîn ser o zî qisey kerd û wina vat: “Heta ke Rayver Apo û şarê kurd azad nêbo, kurdî dê tifîngan nêviradê û gerîla zî do bîyayişê xo biramo. Azayê Komîteyê Rayverîn ê PKK Murat Karayilan'î fina bîn rayverînê tirk aya kerd û qiseyê xo wina domna: “AKP çareserîn nêfikirêna. Wast ma, zey gerîlayanê Tamîl çinî bikero. La belê nêşa. Eke nika ra tepîya zî, na siyasetê çinkerdişî biramo û nîro çareserîn, ma dê bi quwetê xo, çareserî biyarê û azadîya xo, bi dest bifînê.”
Fermandarîneke wertex ra hadre me
Azayê Komîteyê Rayverîn ê PKK Murat Karayilan'î hayr ant operasyonê Musilî sero zî û aşkere kerd ke ê bi xo hadreyê ke binê fermandarînekê wertax de, tewrê opersayonê Musilî bibê. Karayilanî vatenê zey ‘wa PKK tewrê operasyonî nêbo’ nê nêrazîbîyen damûsna û va: “PKK Şengal, Mexmûr û Kerkuk de lej kerd. Desteg da YPG ke, Rojawa û Kobanê de DAIŞ bin bifîno.” Karayilan'î qandê Kongreyê Netewî zî veng da heme hetanê eleqedar ê kurd û vat: “Kongreyê peyin ê Kongra-Gel de, qerarê tewr muhîm seweta Kongreyê Netewî bi. Gerek heme quwetê kurd û Kurdistanijî, îmkanê ke vejîyayê werte rast û rind bixefitinê.
Ganî Şengal xoser bo
Mûrat Karayilan'î derheqê rewşê statuyê Şengal de zî wina qisey kerd: “Şengal cayê bimbarek ê Êzidîyan o. Gerek Şengal miyanê Kurdistanî de xoser bo. Wa Şengal xo bi xo, rayverînê xo bikero. Şengal qandê ma cayê muhîm o. Coka wexto ke, herkes DAIŞ ra remya, ma dest de vera DAIŞ quwetê xo rîştî Şengal.
NAVENDÊ XEBERAN