Ceniyan xoverdayişî ra fek veranêdayî
Azaya Kordînasyona KJK Agirî ciresna ke seba ke vîrardişê 129 cenîyê xebatkar-xoverderê ke 8’ê Adare 1857 de fabrîqayekê New York de bi veşnayîşî amey qetilkerdiş nêro vîrîkerdiş. Her serre 8’ê Adare sey Roja Cenîyê Kedkar ê Dinya yena fîrazkerdiş û wina vat: “Vernîya 8’ê Adare de zî xoverdayîşê bi hezar serran ê ceniyan esto û cenî mîyanê 5 hezar serran de qet fek xoverdayîşî ra veranêdayî û seba azadî her tim bedelê tewr giran day. Înnana serba ke Enkî yo qurnazî ra ME’yê (erjê merdimatî) xo bigîro, bi hezar serran xover da û o xoverdayîş dîroke de her ke şi hîna girdêr bi û heta roja ewro ame. Her çend ke Tîamat Marduk vera têk şî zî, xoverdayîşê gird ê Tîamatî parçeyê heqîqetê ma yo. Cenîyan rexmê heme çîyan, fek xoverdayîşê xo ra veranêdayî. Serewedaritişê Lîlît ra qîrayîşê bêveng ê Meryem vêşî bi û Amazon’ê ke verdewamê dapîran’î zî yewna reng xoverdayişî ser o vêşî kerd.”
Nameyê gêrayişî; Azadî
Agirî qalîkerdişê xo de ciresna ke bi seydê cazuyan şero ke dûştê cenîyan ameyo averberdiş o û wina vat: “Seydê cazuyan bi seyan serrî domya û bi no hawa waştî ke cenîyan bê îrade bikerî. Cenî çend sere wedarnayî se hende raştê hêrişê camêrdê zurker û zalim amey û amey qetilkerdiş. Cenîyê ke waştî biherikî sey Olympe de Gouges seba mergî erşawîyay gîyotînî. Camêrdo ke dekewtbi pey maskeya burjuvayîye, bi no hawa deşîfre bibi. Cenîyî wexto ke erşawîyay gîyotînî fam kerdî ke dirûşmeyê azadî, seyyewbînanî û demokrasî hetê camêrdan ra seba menfîetî yenî xebetnayîş. Seba eştişê na dinya ra zîhnîyetê camêrdî lazimî têkoşîn û raybistbîyîşî estbi û no semedî ra tevgerê femînîstî yê pêlê yewin û diyîn hişyarbîyîşêkî gird viraştî.”
‘Azadiya cenîyan xelesnayişê welatî ra hîna erja ya'
Agirî dîyar kerd ke cenîya xoverdakar Înanna ra heta Sêvêyan ke roja ma eyro ti xoverdayîş veng nêbî û vat ke Rayber Apo seba azadîya cenîyan vano; ‘Azadîya cenîyan bingeyê têkoşînê tevgerê ma yo. Xebatê ke min seba azadîya cenîyan kerdî, yenî zanayîş. Rojhelatê Mîyanî de xebatê min ê tewr gird azadîya cenîyan ser o yo. Goreyê mi azadîya cenî, xebatê xelisnayîşê ked û welatî ra hîna muhîmêr o, çimkî koleyîye û tepamendişê sifteyîn cenîyan ser o ameyo ferzkerdiş’ û vano ke no semedî ra ma azadîya cenîyan kerdo waştişê sifteyîn. Agirî wina peynî kerd: “Na hişmendîya azadî Sarayan ra heta Berîtanan, Zîlanan ra heta Semayan, Arînan ra heta Sêvêyan vindertişêkî gird a cenîyan o. No çarçiwa de ma her roj bi hişyarî, zanayîş û xoverdayîşê 8’ê Adare pêşwazî kenî. Şorişê Rojawanî yê Cenîyan moral û hêzêko gird dayo heme şarê bindest. Sifteyîn seba şehîdê ma yê Cizîr û seba heme şehîdê azadî û demokrasî ma do şorişê xo yo demokratîk bîşêrî serkewtişî.”
ANF/BEHDÎNAN