4ê Nîsana emserrên sey serra 68. ya Rojbîyayîşê Rayberê Şarê Kurdî Abdullah Ocalanî ame pîrozkerdiş û rojbîyayîş xeylê cayan de hetê bi hezaran kesan ra ame pîrozkerdiş. Babete ser o Endamê Komîteya Perwerdeyî yê KCKyî Rauf Karakoçanî qisey kerd.Endamê Komîteya Perwerdeyî yê KCKyî Karakoçanî va ‘ma rojbîyayîşê Rayber Apoyî sey rojêk nêgênî dest, hîna zaf sey welidîyayîşê îdeolojîk, rêxistinî û welidîyayîşê paradîgma vînenî’ û wina domna: “Ma raştîya Rayberî fikir ra heta cuye, hetê stratejî û taktîkî ra heta çalakî û têkoşînî pîya gênî dest.” 


Gam bi game beno 

Karakoçanî dewamê qiseykerdişê xo de va ‘herinda ke rojbîyayîşê Rayberê Şarê Kurdî sey rojbîyayîşêko normal bêro vînayîş, ganî sey welidîyayîşê şarêk bêro dîyayîş’ û wina domna: “Çimkî Rayber Apoyî cuya xo de erjan awan kerdo û şexsê xo de şarêk û kulturê têkoşînî awan kerdo. Mîyanê 68 serran de averşîyayîşê ke emrê merdimî de ca nêgênî, bica kerdo. 68 serran de têkoşîno ke gam bi game ameyo awankerdiş esto. Raştîyêka Rayber Apo tira vejîyayo raştîya şarê kurdî baş nîşan dana. Parçebîyayîş, şenikvînayîş û heqaret ra zêdeyêr şexsîyetêko her roje îxanetê xo keno, esto. Qasê bereket û pîrozî îxanet zî nê erdan de rolêko gird kay keno.”  


Qestê estene kenî 

Karakoçanî bale ant felsefeya Rayber Apoyî ser û wina domna: “Her çiqas ke Rayber Apo ser neteweya kurdan vejîyayo zî, felsefeya ci resayo dûştê gerdûnîbîyayîşî. Rayber Apo bi paradîgmaya xo problemê ke Rojhelato Mîyanên de bîyî sebebê krîzî rê çareserî xelq kerdo/keno. Problemê ke bingeyê xo sinife, îqtîdar û dewlete ra gênî, herinda înan de alternatîfan awan keno. Cok ra welidîyayîşê Rayber Apoyî yeno manaya ziwan, nasname, bawerî û sewbîna bişînbî xo newe ra îfade bikerî. Bitaybetî cinî û ciwanî. Cok ra welidîyayîşê Rayber Apoyî ganî ma tena sey welidîyayîşêko tebîî nêvînî, ganî ma sey welidîyayîşê îdeolojîk, rêxistinî û paradîgma bivînî. Welidîyayîşo ke bi tarz û tempoya xo, xo heta ewro ardo. Welidîyayîşê Rayberîye, welidîyayîşê şarêkî yo. Tewqîfkerdişê îradeya şarêk yeno manaya qestkerdişê estena şarêk.”  


Ma pîroz kenî


Karakoçanî vist vîrî ke ‘Azadîya Ocalanî azadîya şarêkî ya’ û wina va: “Pîrozkerdişê rojbîyayîşê Rayberîye esasgirewtişê tarzê ci ma ra wazeno. Seba nêyî ganî ma tarzêko winasî esas bigirî. Bin her şert û mercî de xoverdayîş bi rojbîyayîşê Rayber Apoyî dest pêkerdo. Rayberîye domanîya xo ra heta nika sey çimeyêk a. 4ê Nîsane 1949 roja ke heme bawerî, etnîsîte û sewbîna hetî xo tede bivînî ya. 


ANF/BRUKSEL