ZOSK BALEK / ROJNEWS / QAMIŞLO
Rayberê Şarê Kurdî Abdullah Ocalan 11ê Êlula 2016î ra nata nizdîyê 2 serrî yo ke ti xebere tira nîna girewtene. No het de etirîyayîşê kurdan her ke şono zêde beno. Reaksîyonê kurd û dostê kurdan her ke şono zêde beno.
Nuştox Mistefa Şêx Mihemedî babete ser o qisey kerd. Mihemedî va ‘her ke şono tecrîd yeno giran kerdene’ û wina domna: “Dewleta tirkî bi girankerdişê tecrîdî hewl dano kurdan zî ceza bikera. Çareserîya ke Ocalanî seba Rojhelatê Mîyanênî pêşnîyaz kerda, zaf muhîm a. Projeyê çareserîye aştî, azadî û ameyeyî eleqeder keno. Projeyê Ocalanî xo bi xo îdarekerdişê şarî yo. Dewleta tirkî vera nê projeyî de ya Cok ra nê sîyasetê xo domneno.”
Mihemedî dewamê qiseykerdişê xo de wina va: “Prosesêko wina yê Tirkîya de estena Ocalanî zaf muhîm a. Erdogan seba ke vera xo de ti kesî nêwazeno, pêvînayîşê Ocalanî asteng keno û tecrîd kûr keno. Tewqîfbîyayîşê Ocalanî daxî na çarçewa de ame kerdene. Tirkîya de ancax Ocalan eşkeno problemê kurdî çareser bikero. Vera polîtîkayanê Erdoganî de kurdî her wext hîna bihêz wayîrê Ocalanî vejîyayî. Ewro bawerîya kurdan bi Ocalanî zêde bîya. Seba azadîya Ocalanî ganî kurdî hîna zaf çalakîyan bivirazî.”