Hemserekê TEV-DEMe ya Kobanê Ehmed Şêxo destpêka qalîkerdişê xo de ciresna ke semedê ke serewedaritişêkî bibo şoriş, lazimîya tay rêgez û vernîakerdişan esto ke bişînbo komelî koleyîye ra bivejo û biresno azadî û wina verdewam kerd: “Seba ke nameyê şorişê bêro ronayîş ganî şar no şorişî virar bikero û bi xo bedilyayîşî biwazo. Rayna ganî rayberê fedaî yê şorişî zî bibî û xo seba şarî feda bikerî. Kurdî tîya de xo baş rayvist kerdî û goreyê min cîyayîya şorişê Sûrîye û 19’ê Temmuze no yo ke ti bingeyê şorişê Sûrîye çin o. Seba ke bingeyê ci çinêbi, no zî bi sebebê ke hêzê heremkî û mîyanneteweyî dest bierzî û qederê şarê Sûrîye reyde kay bikerî. Rayna ti rayberê şorişê Sûrîye çinêbî û kesê ke xo seba ci feda zî bikerî çinêbî. No semedî ra hêzê sey Tirkîya, Qeter, Siudî Erebîstan û Îran paştî dayî komikê bi çek û çeteyan kerdî û înan mîyanê Sûrîye de bi ca kerdî. Bi no hawa zî şorişî rayîrê ci yê raştin ra vetî û şorişî açarnayî şerî mîyanên, çekdar û mezhebî.”
KOBANÊ