Bajarê Qersî ke parlamenterêk, 3 hemserekê partî yê bajarî, 5 hemserekê partî yê qezayî tewqîfkerde yî de xebatê referandûmî her ke şono zêde beno.
Babete ser o Hemserekê HDPyî yê Bajarî Cengîz Topbaşliyî va ‘şar bi hawayo zerrîdar xebetîyeno’ û wina domna: “Her çiqas ke hende kesî tewqîfkerde yî zî do bajarê ke tewr zaf nê bivejyî, înan ra yewe zî Qers bibo. Ma bawer kenî ke do zafaneyê şarî referandûm de vajo nê. No referandûm ameyoxa terekeme, azerî, malakan û heme şaran eleqeder keno. Ma tim şarî ra vanî eke şima demokrasî wazenî ganî şima vajî nê.”
QERS