Çewlîg de bi rayverînê KJA, DBP û HDP de hemleyo tarîxî bimbarek bi. Banê HDP de xelyek welatijî ameyî pêser û şexs dê Fermandar Mahsûn Korkmazî (Egid) de pêroyê şehîdî yad kerd û sozê xetê înan ra şiyayîşî arde zûn.
Qalkerdişan da vaciye ke êr rojavadê şarê Kurd pê rûhê 15 ê Tebax serkewtinan fîneno dest. Bado zî derheqê hamleyo erciyayî de sînevizyon miyejiya ra û bimbarekkerdiş pê zilgit û sloganan qediya.
Dersim û Amed de fîşekê hewayî teqînîyay
Dersim de zî welatijan roşanê xo ê koletî ra xelisnayîşî pê fîşekanê hawayîn pîroz kerd. Xelyek loyanê Dersim de eynî waxte de fişekê hawayî teqiyay. Teqayişê fişekan dima Dolê Mûnzûr de mehlanê Gazîk û Munzûr re xelyek wesaîtê zirxin sewq bî. Fina Amed de zî rixmê pêroyê abluqayanê polîsan 15 Tebax bimbarek bi. Welatijan eynî wexte de kuçeyan û balkonan ra fîşekê hewayin teqînay û roşanê xo pê coşa girda bimbarek kerd. Licê de zî 15ê Tebax bimbarek bi.
NAVENDÊ XEBERAN