Lazimo yê nê karî bikerêy yine herî zede teşvîq bikerêy. Tevgerê PKK zî no çewres sera tenê tekoşînê demokrasî na erdnîgarî ser nêdana. Heme hetra semed merdimatî çi hewce bikero nê şarêko na erdnîgarî ser de cuyenê bi yine bido zanayiş û bidokerdiş. Henî zede zî muhafazê daristanî kenê. Semed daristanî muhafazi bikerê cayêko destê yine riseno ci nêverden biz bêro weykerdiş. Cayêko biz bêro weykerdiş ewca dar û ber (daristan) korbeno. Semed xatirê dar û ber çinê nêbo heywana bizînî weykerdişê yine qedexekerdiş.
Mixabin ma gava awnen yê bi namê dewlet an hukûmet na erdnîgarî sero peywirdarê çi qimet û rûmet nêdanê dar û beran. Hema vace hergû sere daristanan bi deste xo vêşnena (socnena). Tenê Kurdistanî de nê heme cayan de vêşnen an zî çinê kene. Koyan û newalanê herema Behrosîya (Karadenîz) de semed HES an virazo. Tenê daristan nê darê zîraetî zey darê zeytûnan yê dewijan zî çinê kenê. Bajaranê girdan de bi namê ma îmarî rê akenê daristanan kenê qurbanê menfeetê dewlemendîya çend mutahîtanê xo. Hêşînayîya ku wertê bajaran de zey parq amey viraştiş û muhafeze biyê zey parqa GEZÎ çinê kenê. Wertera darenê wekenê. Şarêko duşt nê qetlîamê çinêkerdişê dar û berî wecyê bi heme zor û zilmî şinê serde. Bi toma, bi awa şît, bi bombê gazan. Ku hema zî nêbê vilay an çalakî xo de israr bikerêy na rey fişekê kiştişî nane pa. Nê çalakîyê ewnayinan de hema tenê parqa GEZÎ de ma hemine vîna çend ciwanê ma amey kiştiş. Polîsanê ko nê ciwanê ma qetil kerdîy yinera hetê serok wezîrê yê wextî RTE ame vatiş yê; “Polîsan destan nuşt”.
Koyê Tendurek tenê bi no awa nê! Qaşo go gerîlay awca weçînayişê hewtê hezîranî de beno, partîya HDP ey rê rayan biwazêy. No vatişê walîyê Agirî yo. A dewî de tenê rayê 45 kesan estêy. Gêrîla her gav êşkeno bêro a dewe. Tenê bi munasebetê festivale nîno.
Serra 1993 ê de lejker bê muhafaze Meletî ra şirawit Çewlig amey kiştiş. Verpers kam bi se nîame dariznayiş.
Qewimyayişê 2011 Farqîne. Senin qewemya? Kiştişê dozger Kîraz î. Êrîşê Saraya Edlîyaya Çaglayanî. Çalakîyê Qetilkerdişê futbolbazêy Fenerbahçê pêroyin raya Trabzonî... Temamê welatî de birnayişê ceryanî. Qedexekerdişê medya civakî. Qedexekerdişê fîlma BAKUR î.
Nêy pêrin bala her merdime piçêk na dewlete ra fehm kene balê pêron anceno. Tenê xelasî ardişê demokrasî yo. Hewtê hezîranê firsetêke yo. Ma pêro teydir bixebetyimê. Benda weçînayiş yê seyî ra desî weşanim. Rayan bideme partîya HDP.
Nesîp GULTEKÎN