METÎN YOKSU / MA/ÊLIH
Serra 2016î de Şaredarîya Êlihî ra qeyûmek tayîn bî, zaf hûmarî de sazîyê kultirî qefelna, mabenê nê sazîyan de banê deyrbazan zî estbî. Peynîya 3 serrê bi Şaredarîya Êlihî ke nika destê HDPî de yo, banê deyrbazan newe ra abî. Banê Deyrbazan de 11 deyrbaz estê û 2 deyrbaz cenî yê. Her roj di deyrbaz meymanan pêşwaz keno. Her roja şeme zî meymanan ra Kultirê Kurdî ra astenek û deyrê yenê goştaritiş. Babete ser o Deyrbaz Ehmedê Xî vat ke na sazî seba resnayişê deyrbazan cayêk bî û wina vat: “Çi heyfo ke demê tayînê qeyimî sifteyê sazîyê kultirî ameyê qefelnayiş. Polîtîkayê qeyumî çinkerdişê kultir û hunerê Kurdî ame kerdiş. Deyrbazî mîyanê banêk de tena nînokerdiş.”
Ehmedê Xî destnîşan kerd ke ê seba hunerê xo karî ra qet fek veranêdayê û yew bi yew qehweyan gêrayê û kultirê xo dayê cuyayiş û wina domna: “Ma sebr kerd û vindert, ma bi deyranê xo çî ke ameyî cuyayiş dayê famdayiş. Şaredarî banê deyrbazan newe ra akerd. Ma her tim mîyanê şarî de yê. Armancê ma şinasdayişê deyrbazî û resnayişê deyrbazan o.”