Parlmenê wekî din jî biryar daye ku ji bo naskirina kantonan kar bike. Wekî din parlemanê herweha ji Hikûmeta Başûrê Kurdistanê xwestiye li gorî derfetên xwe alîkariya madî bike bi Rojavayê Kurdistanê re.

Bi dengên 79 parlemanteran biryarên hatî dayîn li jêr in:
1-Parlamentoya Kurdistanê di her awayekî xwerêveberinê de piştgiriya vîna gelê Rojavayê Kurdistanê dike û pêwîst e hikûmeta Herêma Federe ya Başûrê Kurdistanê bi fermî xebatan li gel bike.
2- Pêwîst e hikûmet li gorî derfetên xwe bi alîkariya madî hevkariya Rojava bike.
3- Aliyên peywendîdar vê biryarê bînin cih.
4- Kar bi ti tekst û biryarekê nayê kirin ku berevajî vê biryarê be.
5- Ev biryar piştî ku di ragihandina fermî ya parlamentoya Herêma Başûrê Kurdistanê de hat belavkirin, wê bikeve pratîkê û kar bi wan re were kirin.
Piştî civîna Parlemana Herêma Federe a Kurdistanê, Serokê fraksyona Tevgera Goran Rabûn Marûf di civîneke çapemeniyê de Kantonên Rojava pîroz kirin.

HEWLÊR