Li Geverê tevlibûna YPS-JIN’ê her ku diçe zêde dibe û Solîn Gever a ku li “wergeha cerdevanan” dijiya jî  wiha got: “Ez li hemberî vê hovîtiyê bêdeng namînim” û tevlî YPS JIN a Geverê bû. Gever a ku bertekên xwe yên li hemberî cerdevaniyê anî ziman wiha berdewam kir:  “Ji zarokekî hêj di zikê dayîkê de qetil kirin re gotin ‘terorîst’  ev gotin gelek li zora min çû. Min li hemberî komkujiyên li Kurdistanê pêk dihatin di aliyê wijdanî de xwe rihet hîs nedikir. Ez ji ber vê yekê tevli YPS JIN bûm.”
 
‘Çeka xwe deyne’
Gever got  ku ji bo wê YPS JIN azadî ye  û wiha axaftina xwe berdewam kir: “Min di nava refên YPS JIN’ê de xwe dît. Min ziman û nasnameya xwe ferq kir. Ez nû xwe nas dikim.”  
Her wiha Gever  bang li bavê xwe yê cerdevan jî kir û wiah got: “Ez keça cerdevanekî me. Di serî de ez bang li bavê xwe û hemû cerdevanan dikim. Êdî dest ji çekên xwe berdin. Li hemberî zarokên xwe şer nekin. Cerdevanî îxanet e û li hemberî zarokên xwe çek rakirin e.. Êdî ji bo azadiya xwe şer bikin û ber xwe bidin.”


NÛRŞAN ÎBRAHÎM 
ANHA/COLEMÊRG