Weçînayîşek bîn zî vîyert. No weçînayîş, weçînayîşek normal nêbi. Zê referandûmbi. Bi raştî zî hina bi.

No weçînayîş de en zaf BDP serkewt.
Yew bi yew serkewtiş hinabi
1-BDP, Kurdistanê de hîrê bajar zê bajarê Agirî, Bedlîs û Mêrdîn destê AKP ra vet. Hûmarê şaredariyê BDP yê bajaran bi 11 bajar.
2-BDP, Bedlîs û Erzerom de pê serkewtişek zaf gird raverşî.  
3-Bajarê Mazlum Doganê Dep kewt destê BDP.
4-Sîsteme hemserokê serkewt.
5-Seba Kurdistanê Azad û Xoser bingehek gird amê viraştiş.
6-Seba azadîya Rêberê Şarê Kurd Abdullah Ocalanê, îradeyek gird vejîya werti. Şarê Kurd vano wa “Abdullah Ocalan azad bibo”.
7- Dêrsim de BDP serkewta, CHP binkewta. Şarê Dêrsim mezgê qirker yê Kemalîstê Tirkperêst binvist.
Ver nayê dewşîrmeyê zê Huseyîn Aygûn hina bîyo ke, ê qehre ra bi bêhjîyo.
Reye BDP yê bajarê Dêrsim 2009 de 4035 bî, 2014 de bîyê 7250.
Hema hema zêdebîyayîşê reye BDP yê Dêrsim se ra se yê.
8-Hûmerê şaredariyê BDP zaf zêde bîyê.  Verêcu 74 bî, nika vejîyê 103 yê. Ayê ke zelal nêbîyê mîyande nîyê.
Xo ra şîrketê ke anketan virazenê ayê zî vanî, no weçînayîş de serkewtişê gird BDP viraşto.
La no weçînayîş de vejîya werti ke, AKP zaf hîle zî kerda. Çewlîg, Mûş,Riha, Hezo, Serêkaniyê, Kaxizman, Eskîfê, Misirciyê, Xelat,Westan û Tatwan de eşkerê hîle kerda.
Hîle beno çi beno wa bibo, gera na raştî zî bîyero dîyayîş. Wexto ke rêxistinbîyayîş xurt bibo, kam beno wa bibo biwazo hîle bikero, yew eşkeno verênîyê eyê bigero.
Nê cayan de rêxistinbiyayîş xurt bibenê, AKP nêeşkenê pê hîle şarêdarî destê BDP re bigero.
Gera na raştî zî weş bîyero dîyayîş.
Eze serkewtişê BDP û Şarê Kurd bimbarek kena.