Bedenê Amedî ke dinya de bedenanê Çînî ra dima yê tewr derg o, seba ke ciewnîyayîş nêbeno rijîyayîşî reyde têrî yo.
Bedenanê Amedî ra birco ke tira Evlîbeden bi nameyêko bîn Ben û Sen yeno vatene, varayîşê varano zêde ra dima rijîya. Seke yeno zanayene demêko derg bi ke bedenanê Amedî de ciewnîyayîş nêbîyêne. Xora ciewnîyayîşo ke verê cû amebi kerdene zî, viraştiş ra zêde, taxrîbkerdiş bi. 2 rojî verê saetanê şewe de qismêkê bircê Ben û Senî rijîya.
Kesê ke Taxa Ben û Senî de cuyenî, dîyar kerdî ke ti ewleyîya canê înan çin a û vatî ‘herçiqas ke ma vanî bivirazê zî, ê nêvirazenî’. Taxijan ra Denîz Gulerî va ‘ma tersan ver nêşênî taxe ra derbaz bibî’ û wina domna: “Bedenan de demêko derg o ke ciewnîyayîş nêbîyo. Seba viraştişî, îla gere merdimî bimirî? Ganî demêko raver ciewnîyayîş bivirazîyo.”
Taxijan ra Cumayî zî wina va: “Tena yenî alçî reyde kerrayan vindarnenî û şonî. Eke ewro tayê ci rijîya, siba beno ke temamî birijîyo. Ma bimirî zî xemê ti kesî de nîyo. Eke bêro vîrê şima, wextê pêrodayîşan de serê Bircê Bize de tiwalet viraştbî.”
AMED