Mamoste û Nivîskarê Kurd Hemze Husên Beko yê 95 salî bavê 9 zarokan e û bapîrê 80 veniyan e. Ew ji gundê Xelilko yê herêma Efrînê ye.Berya 55 salî Beko bi armanca xebitandinê berê xwe da taxa Şêxmeqsûd a Helebê. Beko ji 21 saliyan xwe ve dinivisîne. Heta niha gelek pirtûkên bi zimanê Kurdî nivîsandiye. Di nava pirtûkên wî de çîrokên zarokan, dîroka Kurdistanê, roman, destpêka Îslamê, dîroka gelê Kurd, Şoreşa Sûriyeyê ya mezin ku gelek rêveberên wê Kurd bûn û hwd hene. Pirtûkên wî li Ewrûpa û Başûrê Kurdistanê cihê xwe girtin û hatin belavkirin.

Hemze Beko beriya 10 salan li gundê Dêrswanê yê Efrînê mamoste bû. Bi zimanên Kurdî û erebî wane pêşkêş dikirin.Di serdema hukmê Cemal Ebdulnasir de (Dema yekbûna Sûriye û Misrê) gelekî rastî astengiyan hat. Beko wiha bilêv dike: “Cemal Ebdulnasir li dijî mafên Kurdan û bi taybet zimanê Kurdî bû. Axaftina bi Kurdî qedexe kirbû.”
Ji ber van astengiyan Beko demekê tevî hin hevalên xwe yên nivîskar hatibûn girtin. Piştî ku hevjîna wî jiyana xwe jidest da û çû ser dilovaniya xwe, Beko li mala kurê xwe yên meizin dimîne. Di pevçûneke li taxê dema ku Beko hewl dida bigihêje aliyê din yê taxê, bi guleya hêzên rêjîma Sûriyeyê li lingê wî ket û birîndar bû.

ANHA/HELEB