Brandon Gamblen yê kanadayij, Nadîm Fetaîh û Tashî Pîetrzykowsa Stockholm de ameyê têhet û belgekîya bi nameyê ‘Thîs îs Kobanî’ viraştî. Nika zî xebatê belgekîye ya ‘Thîs îs Kobanî’ ke babetê xoverdayîşê Kobanî û sîstemê Rojawanî gêna dest, dewam kenî. Belgekîye de qala Dr. Dorpenc Kobanêyo ke nêweşxaneyê Stockholmî ra seba tedawîya embazan tewrê xoverdayîşê Kobanê beno, yeno kerdiş.
Eke merdim biwazo
Fetaîhî qiseykerdişê xo de bale ant Şorişê Rojawanî ser û wina va: “Ma belgekîye de waşt ke qala sîstemê Rojawan û Dr. Dorpenc Kobanêyo ke Swêdî ra tewrê embazan bîbî, bikerî. Ma belgekîye de waşt ke mesajê wexto ke merdim biwazo eşkeno şoriş pê bîyaro û sîstemêko newe awan bikero.”
Tewr peynî Gamblenî zî babete ser o wina va: “Ma bi taybetî waşt ke belgekîya xo de têkoşînê YPG û YPJyî, piştîdayîşêyewbînan yê şerwanan û hîsê kesê ke birîndar î çî yo, bidî nawitiş.”
Xoverdayîşê Kobanê heta nika zaf cayan de veng dayo û na babete ser o hem Kurdistan û hem zî heme dinya de xeylê fîlm, kayî û kîtabî nusîyayî.