Li gelek bajarên Elmanyayê bi armanca piştgiriya Kobanê meş û mîtîng pêk hatin. Li bajarên Stuttgart, Munîh, Wuppertal. Darimstadt, Mannheim, Karlsruhe, Gottîngen, Nienburg, Nurnbergê bi xwepêşandan û çalakiyên Kurdan û dostên gelê Kurd peyamên piştgiriya berxwedana Kobanê hatin dayin û banga hestiyariyê li raya giştî ya cîhanê û saziyên navneteweyî hate kirin.

Li paytexta Komara Çek Pragê, li bajarên Bergen û Oslo yên Norveçê, li Spanya, Bûlgarîstan, Belçîka, Hollanda, Swîsre, Swêd, Danîmarka û Îngîlîstanê li gelek navendan Kurd ji bo kobanê li qadên çalakiyê bûn.

NAVENDA NÛÇEYAN  



Ji ATÎF Û AGÎF’ê banga  Dusseldorfê

Êrîşên çeteyên DAIŞ’ê li her derê Ewropayê tên protestokirin. Ji bo meşa ku îro li Dusseldorfê pêk tê banga tevlîbûnê hate kirin. Konfederasyona Karkerên Tirkiyeyî û Federasyona Karkerên Penaberan a Elmanyayê daxuyanî dan û ji bo meşa sibê banga tevlibûnê kirin.  Di daxuyaniyan de wiha hate gotin: “Kurd bi hemû hêza xwe li dijî êrîşan li be xwe didin. Ev êrîş tenê li ser Kurdên Kobanê nîne. Ev êrîş li dijî hemû şoreşger û welatparêzan e.  Ji ber vê em bang li hemû karker, jin, penaber, ciwanan dikin ku bikevin çalakiyan û  bi girseyî tevlî meşa Dusseldorfê bibin.”

  KOLN