LÊL AMED AMED Sere de Emerîqa, Îtalya, Spanya, Almanya, Îran, Çîn, Fransa û pêroyina Dinya de vilabîyayişê Vîrûsê Koronayî domyeno. Pêoyina Dinya de nêzdî 700 hezar kesî bi Vîrusê ‎Koronayî kewtê. Nêzdî 30 hezar kesî zî cuya xo dayê. Îran vera vilabîyayişê Vîrûsê Koronayî pêroyina hepisxaneyan de bêcîyakerde heme hepsîyan serbest verada. Tirkîya de zî çi heyfo ke Hukimata AKP û MHPî hetanî nika seba hepisxaneyan gamêk nêeşt. Nika Hukimata AKP û MHPî wazena do qanûnêk biveja la goreyê rêziknameyê AKPî hepsîyê sîyasî teberê nê qanûnî ameyê veradayiş. Pêroyina Tirkîya û Ewropa de no qanûnî ra bertek ameyê nîşandayiş. Wekîla Verin a HDPê Amedî Sîbet Yîgîtalp zî hesabê xo yê Facebookî ser o mesajêk weşan kerd. Bi cîyakerde heme hepsîyan ra azadî Sîbel Yîgîtalp mesajê xo aşkera kerd ke nika pêroyina Dinya de vilabîyayişê Vîrûsê Koronayî domyeno û hetanî nika zî na nêweşî ra çareserîyêk çi heyfo ke nêame dîyîş. Yîgîtalp destnîşan kerd ke Tirkîya de zî nika bi hezaran kesê hepisxaneyan de manenê û hepsîyan xo ra verin ra nêeşkîyaynê kelmelê pankî ra bi rehetî biresê. Yîgîalp wina domna: “Eke hepisxaneyê Tirkîya de do hepsîyan Vîrûsê Koronayî ra bikewê do tesîrê ci bi mîlyonan kesî ra bibo. Ganî netew, nasnameyê ci çi bibo bila bibo do heme hepsîyan bêrê tehlîyekerdiş. Ganî hepisxaneyan do nêbê keyeyê mergî, wa hepisxaneyan de mergan do nêvejîyê.”