Li Elmanyayê, ev pênc sal in bi taybetî li herêma Westfalya Bakurê Rhehinê (NRW) li gelek herêman, ji aliyê Enstîtuya Kurdî ve ji bo lêkolîn û zanistiya zimanê kurdî, zaraveyê kurmancî kurs tên dayîn. Kursên ku beriya niha ji aliyê mamoste Jîr Dilovan ve dihat dayîn, piştî nexweşiya wî ji aliyê Mamoste Fevzî Ozmen ve dewam kir.

Mamoste Ozmen xebatên xwe yên pênc salan bingeh girtin û ezmûnên xwe yên berê û yên yê pêvajoyê kirin yek, bi kedeke kûr û lêkolînên nû, ev xebata xwe dewlemendtir kir.
Bi armanca pêşxistina zimanê Kurdî di warê nivîs û rêzimanî de mamoste Ozmen pirtûka bi navê  Dersên Zimanê Kurdî (Kurmancî) amade kir.
Ji aliyê rêzimanî û bikaranînê ve hemû hêmanên rêzimanî yên wek cînav, navdêr, lêker, rengdêr, daçek, hoker û gihanekan wan bi hev re digire dest û bi form û tabloyên nûjen, tewang û hêmanan, bi mînak û pêhîniyan mijaran kûrtir, zelaltir û dewlementir dike.

Mijarên di pirtûkê de
* Beşeke pirtûkê ji bo bersivdayîna pêhîniyan hatiye veqetandin.
*  Ji bo xwendinê mînakên wêjeya kurdî ya kilasîk û nûjen.
*  Lîsteya rayekên lêkeran ên tevlihev.
*  Mînakên tabloyên rengîn yên hemû rawe û demên lêkeran.
*  Ferhengoka têgînên rêzimanî.
* Lîsteya hin lêkeran bi sê zimanan.(kurdî-tirkî-almanî)
* Lîsteya lêkerên têneper ên cêwî (kurdî-tirkî-almanî)

NAVENDA NÛÇEYAN