Ji 18’ê tîrmeha 2013’an heta 8’ê adara 2014’an êrişên li dijî Kobanê bi navber dewam kirin. Komên çete yên DAIŞ’ê yên di 9’ê hizêranê de êrîşî bajarê Musil ê Başûrê Kurdistanê û hin herêmên Sûriyeyê kirin. Çeteyan ew herêmê dagir kirin û gelek çek ji artêşên Iraq û Sûriyê bidestxistin. Çeteyan bi çekên ji van herêma girtin di 6’ê tîrmehê êrîşî başûrê Kobanê û di 7’ê tîrmehê jî êrîşî rojhilat başûrê kobanê û rojhilatî Kobanê kirin. Hêzên YPG/YPJ’ê bersiveke tund dan çeteyan û di encama şerên li van çeperan de 685 çete hatin kuştin, 6 tang, 17 wesayîtên bi doçka, 2 motorsîklêt û 11 navendên çeteyan bi çeteyên têde hatin ruxandin. Di meha tîrmehê de her wiha 2 tang û 5 tirmpêlên çeteyan hatin derbekirin. Di 3’yê tebaxê de çeteyên DAIŞ’ê êrîşî qezaya Şengalê ya Başûrê Kurdistanê kirin. Beriya van êrîşan di navbera hikûmeta Tirkiye û berpirsyarên Partiya Demokrat a Kurdistanê (PDK) de pêk hat. Di encamê de hêzên Pêşmerge ji Şengalê vekişiyan û riya êrîşê li ber çeteyan vebû. Wê demê di derheqê kurdên êzidî de komkujî pêk hatin, bi dehezaran malên xwe berdan û koçberî çiyayê Şengalê bûn. Ji bo parastina Êzidiyên ku berê xwe dan çiya YPG û HPG berê xwe dan çiyayê Şengalê û gelê Êzidî parastin.  Her wiha riyeke bi ewle ya mirovahî di navbera Rojavayê Kurdistanê û Çiyayê Şengalê de vekirin. Di vê riyê re Kurdên Êzidî ku mercên dijwar li çiya jiyan dikrin derbasî Rojava bûn û hatin bicihkirin.
Di 18’ê îlonê de bi hezaran şêniyên Bakurê Kurdistanê berê xwe dan sînorê Kobanê ya Prisûsê û li vir bê navber çalakî hate destpêkirin. Li vir konên çalakiyê hate vedan û nobeta Kobanê hate destpêkirin û heta niha hîn didomin. Leşkerên Tirkiyê jî bê navber êrîşî çalakvanan kirin, gund vala kirin û konê çalakiyê bi darê zorê rakirin. Bi vê yekê berxwedana Kobanê derbasî hemû bakurê Kurdistan û Tirkiyê bû. Her wiha li parçeyên din ên Kurdistanê û Ewropa jî piştgiriya Kurdistaniyan dest pê kir û her derê veguhezî Kobanê. Berxwedana Kobanê di dema di navbera 14 û 22 cotmehê de hemû hevsengên herêmî û cîhanî guhertin. Di vê çarçoveyê de şandeyên TEV-DEM’ê û ENKS’ê li bajarê Dihokê yê Rojavayê Kurdistanê lihev civiyan. Di civînê de biryara avakirina lêvegera siyasî ya kurd hate dayîn. Di 11’ê kanûnê de herdû alî civiyan û rê li ber vekirina destnîşankirina nûnerên serbixwe û yên partiyên ne di herdû aliyan de hate dayîn. Dê hilbijartin di 16’ê kanûnê de bên lidarxistin û dê 6 endamên ji derve bêne hilbijartin. Di civîna Dihokê de her wiha biryar hate dayîn ku di rêveberiya xweseriya demokratîk de cihê xwe bigrin û erka parstina Rojava dikeve ser pêkhateyên Rojava.

2951 çete hatin kuştin
Di encama berxwedna 3 mehan de 4 jê emirên bi navê Cund El-Aah, Esed Elah, Ebû El-Eskerî û Ebû Mihemed El-Mesrî jî di nav de 2 hezar û 951 çete hatin kuştin. Her wiha 14 tang, 10 jê doçka li ser bi giştî 88 tirmpêlên leşkerî, 17 tirmpêleên bi madeyên teqemeniyê barkirî, 3 kamyonên bombebarkirî berî bighêjin armanca xwe, 4 jê bombebarkirî bi giştî 23 motrosklêt, 18 doçka, 3 hawan, 2 tirmpêlên hamer hatin ruxandin. Di heman demê de hêzên YPG’ê 170 çekên kilaşinkov, 24 BKC, 32 ARBC, 3 çekên M16, 20 dorpîn, çekek sekvaniyê, hawanek, 21 çekên kesan, 3 dimançe, 38 rext, 205 bombeyên destan, tivingek nêçîrê, 11 mayîn, çekek AKC, alaveke bombeya kesan, 7 bêtêl û gelek cebilxane destserkirin.

263 şervan canê xwe gorî kirin

Di berxwedana 3 mehan de 5 şervanên ku çalakiyên fedayî pêk anîn, bi giştî 248 şervanên YPG’ê û YPJ’ê ji bo parstina Kobanê heta dilopa dawî şer kirin û jiyana xwe jidest dan.  15 şervanên Odeya Burkan El-Firat û hêzên Asayîşê jî bi qehremanî şer kirin û jiyana xwe jidest dan. 

KOBANÊ