Dîwanê Hemserekîye yê KCDK-E bi eşkerayîyêka nuştekîye waşt ke wa kurdistanijî û dostê înan tewrê çalakîya 8ê Hezîrane ya Kolnî bibî. KCDK-E ard ziwan ke bi paştdayîş û girdkerdişê xoverdayîşî Efrîn eşkeno îşxalî ra bêro xelisnayene û vernîya îşxalanê neweyan yeno girewtene
KCDK-E va ‘ma eşkenê Ewropa de rîyê raştî yê dewleta Tirkî teşhîr bikerê’ û wina dewam kerd: “Vernîya polîtîkaya înan a hêrişkare bigerê. No hêzê ma esto. Dormeyê Efrînî de bi viraştişê dêsî wazenê ke Kurdistan ra raqilnê. Reyna vera Başûrê Kurdistanê zî planê înan ê dagîrkerîye dewre de yê. Ganî vera Erdogan û çeteyanê ci de ma wayîr Efrînî bivejîyê. Ma ganî biqerar xoverdayîş xurt bikerê û heme sazîyanê mîyanneteweyî polîtîkaya hêrişakare ya Tirkî ra xerberdar bikerê. Na çarçewa de 8 Hezîrane de Koln de do rayraşîyayîşêko gird bêro viraştene. Ma veng danê her kesî ke wa tewrê na çalakîye bibê û paştî bidê şarê Efrînî.”
ANF / BRUKSEL