Çalakîya roniştişî ya ke semedê baleantişê grevê vêşanîye yê ke semedê wedartişê tecrîdê serê Rayberê Şarê Kurdî Abdullah Ocalanî yenê viraştene hetê Partîya Şaran a Demokratîke a Dêrsimî ra ameye destpêkerdene, dewam kena. Parlamenterê Çewlîgî Erdal Aydemîr, hemserek û îdarekarê partîye yê bajarî, temsîlkarê partîyanê sîyasîyan û rêxistinanê sivîlan ê cimatî tewrê çalakîye bîyî.
Hemserekê HDPyî yê Dêrsimî Hidir Çîçekî da zanayene seba ke cuya merdimî seba înan muhîm a, ê her şan çalakîya roniştişî virazenê û paştî danê xoverdayoxanê grevê vêşanîye û wina va: “Serranê 90î de siloganê sey ‘Vera neheqîye de bêveng memanê, beno ke dore bêro to zî’ estbî, no silogan ma rê xeylî wext bêmana ameyêne, labelê nika mana û muhîmîya nê siloganî yeno zanayene. Ganî ma vera heme nêheqîyan de vengê xo berz bikerî.”
Çalakîya roniştişî bi siloganê “Biciwîyo xoverdayîşê zîndanan” qedîyaye.
DÊRSIM