Bextwaştoxan şonê welatê bîn bi gelek zehmetîyan rî bi rî manenî û cayê cuyenî ti çimeyanê debara înan çino. Girêdayîyê cuyayîşê bextwaştoxan pawitoxa Komîsyonê Bextwaştoxan a Komeleya Heqê Merdimanî (ÎHD) Gulseren Yolerî nirxnayiş kerd.
Bi pankartê ’Vêşan a’
Yolerî aşkera kerd ke eke merdim demeko kûçeyê Tirkîyaye de bigêro, no demî bi rehetî rewşê bextwaştoxan vîneno, rewşa bextwaşton zaf xirab a û hema hema destê heme bextwaştoxan de pankartê ‘Ez vêşan a’ esto, bextwaştoxî qet hetkarî nêgênî û qet heqê înan zî Tirkîyaye de çino.
Problemî zaf î
Gulseren bal ant ser problemê bextwaştoxan û wina dewam kerd: “Problemê bextwaştoxanî ke Tirkîyaye de cuyenî, problemê înan yewin problemê cuyayişî yo. Problemê ke înan a merdimî nînê çareserkerdiş. Dayîkan seba vêşaneya domanê xo çareser bikerî, ser çopan nan kom kenî. Ma aşkera vînenî ke ser domanê bextwaştoxan ra tacîz û tecawiz yenî şuxilnayiş û rewşa domananê bextwaştoxan zaf xirab o.
Terkê mergî kerdî
Gulseren ciresna ke bextwaştoxê rîyê zehmetî û polîtîkayê lêminî Tirkîyaye ra wazenê şîrê welatê bîn û wina peynî kerd: “Ma raştîya rewşê bextwaştoxan rayîrê dengîz û zehmetîyan de vînenî, seba ke Tirkîya bextwaştoxan ra statu nêdana, no ser bextwaştoxî zereyê nêçareyî de manenî. Bextwaştoxê Tirkîyaye de eşkenê demo ke kilm bimanî la nêeşkenî demo ke derg bimanî. Ser bextwaştoxan cuyayişeko zehmet yena ferzkerdiş.
JINHA/STENBOL