Pêroyina Dinya de janê Koronayî tesîrê xo domneno. Janî ra xo pawitişî de esas mesafeyê fîzîkî yo la bi mîlyonan kedkar û karkarî nêçare binê telukeyê janî de xebityenê. Goreyê xebera ajansê pîrhayî hunermendê fotografî Alî Abali, kedkarê ke nê rojê zehmetî de xebityenê fotografê înan anceno. Alî Abali babete ser o wina vano: “Huner sey nan û awe avzel o, çimkî merdim hîşyar, xemgîn û kêfweş keno. Demêko derg o ez fotograf ancena, verê û peynîya janî ez eşkena miqayesa bika. Taybetî wazena fotografê xo bi sîya û sipî biviraza çimkî wazena vengê kedkaran biba. Raşt o zaf hûmarî de kesê keyeyê xo de xo pawiyenê la domanê ke kaxizî kom kenê hema zî teberî de yê, cenîyê pankkerî, karkarê febrîkayî nêçare binê telukeyê janê Koronayî de xebityenî.” MERKEZÊ XEBERAN