Bi baxaneyê humartişî

Hepisxaneyê Tîpa T yê Tarsusî de Vedat Bektaşo ke maneno, îxlalê heqan ê yenî cuyayişî ser bi malbata xo bar kerd. Bektaş aşkera kerd ke taybetî mîyanê nê 3 aşmî de verba înan teda û zilmê fizîkî û psikolojîk yenî kerdiş.

Bektaş wina vat: “Bi baxaneyê humartişî hêrişê koxişanê ma kenê, kelmelê ma xirap kenê û ma ra heqeret kenê. Qardîyanî her tim ma rê vanê ‘şima terorîst ê’ demê sewqê nêweşxaneyî zî persgirikê cidî ma cuyenê. Bê muayeneyê doktoran ma tepa agêrenê. Dermanê embazê ma nêweş nînî kerdiş. Ma demo ke derman wazenî nêdanê. Ma nika qiseyê telefonî ra nêvejenê. Rayberê hepisxaneyî ma rê vat ke şima çalakî nêkerî persgirekanê şima do çareser bibo la çareser nêbê.”

Cuya xo rê qerqîzyenê 

Dayîka Vedat Bektaşî, Fatma Bektaş zî vat ke ê îxlalê heqanî ser o dozgerî û rayberîya hepisxaneyî reyde pêvînayiş kerdê û wina domna: “Ma rê vatî ke domananê şima zûrî kenê. Şîrê kura gerra kenî bila bikê. Eke domananê ma rê çik bibo se berpirsîyar rayberîya hepisxaneyî yo. 3 heftayê ke domananê ma qiseyê telefonî nêkenê. Ma veng dane Komîsyonê Heqê Merdimî yê Meclîsî û pawitoxê heqê merdiman.”

Hewna Agît Tekîn zî 25 çiley demê gêrayişê malbata xo de aşkera kerdo ke Saît Toramano ke yew lingê ey çin o hetê leşkeran ameyo kutiş û darbkerdiş.