Rîwalo ke çortalê dewa Hanê ke girêdayî qezaya Qisle ya Dersim a, şewa verî amê bombarduman kerdene, welatijo bi nameyê Ercan Guneşî weşîya xo kerd vinî. Bi sebebê bombarduman dewijan sifte keyeyê xo terk kerdî û dima ra nêşîyay peyser ageyrê. Dewijan serpirodayîşê baroyî kerdî. Goreyê tayî îdiayan dewijî ameyê tepiştiş.
‘Destûr nêdanê ke dewijî şirê’
Bombardumana hewayî çarçoveyê operasyonê lejkerî de, 19ê Temmuze ver bi seatanê şanî de destpê kerd. Merkezê dewa Hanê û çormeyê ci hetê helîkopteranê kobra amey bombarduman kerdene. Rîwalo ke bombe kewtî nezdîyê dewe, dewijî mecbûr mendî ke xo biresnê Pirdê Sor ê girêdayê qezaya Pilemûriye û şewa xo ewja de vîyarnay. Dima ra dewijan hewl day ageyrê dewa xo, la leşkeran înan manî kerdî.
Bombardumanî de şoforê mînîbus Ercan Guneşî weşîya xo kerd vinî. Cenazeyê Guneşî wedarîya Morgê Nêweşxaneyê Dersim.
Ame tepiştiş
Dewijo bi nameyê Mûstafa Ûçan ke hewl da xincîka mêşanê hingimênî harêma operasyonî ra vejo, ame tepiştiş. 15 dewijê ke şî merkezê sûk, seba yardimî serpirodayîşê Baroyê Dersim kerdî.
DERSIM