Hişyar Ozsoyî vist vîrî ke emegdarî ke gurere fîniyayî dûr, qe yew eleqeyê xo bi derbe çîno. Hûnca vaciyeno ke sektorê weşî de zî gure ra veciyayîşî dest kene ci. Ozsoyî hayr ant derbeyê qayûm ê AKP ser zî û vat: “28 şaredarîyan rê qayûm erzîya. Înan ra 24 ê ci yê DBP bî. Ê 4 hebi bîn semedê dizde, îxale rê fesat tiyemûnkerdiş ra bi. La ê ma pê sûcdare yê siyasî xesp bî. Hûnca şaredariyê Hanî rê zî qayûm erziya. Hemşaredarê Dep tepişyay.”
Meclîs çîno, veng varto
Parlamenterê Çewlîg Ozsoyî vist vîrî ke inkê zî hedefê înan de şaredariyê pîl ê Wan, Amed û Mêrdîn estî. Hişyar Ozsoyî operasyonê qirkerdenê siyasî û herîşê ser çapameniya azad zî arde vîrî û vat: “Hinî ayseno ke aşma Cotmeh de zî nê herîşî pê tepiştişê parlamenteran dewam kene. Dewlet pê tesfîye kerdişê siyasetkaran û peroyê ê bînan, toximê şidetê sîyasî karena.”
Ozsoy vat pê çuye xo dest guretişa meselê çare nêbene, eke binate de yew mesela esta,mecbûr pê siyasetî çare bena. Hişyar Ozsoye vatişê Rayverê Şarê Kurd Abdullah Ocalanî yê ‘Eke dewlet biwazo ma na mesele 6 aşman de çare kene' vist vîrî û vat: “Vera nayî hukumet ra cewabê 'çare-mare çîno' ame dayen. Eke Serokwezîr ûna vano yeno o mane ke lej, kuwîn, hesir estî. Zêdbiyayîşê mergan (merdiş) esto. Paştê înan mehkema, gijê ke miren, qijê înan nî.” Ozsoy Suriye û Irak rê şawitişê eskaran zî xelet dî û vat nê biyayîşî Tirkhiye fînenî tengî. Hîşyar Ozsoy derheqê meclîsî de zî hina va: “Wa qe ço (kes) xo mexapîne, meclîs çîno. Meclîs veng varto. Ma têna verniyaz danî. Bi no hal meclîs ra, seba no welatî hendê sarê derzî feyde nîno, la zirar yeno. Îradeyê siyasî qedîyo. Peroyê Wezîrî hay emir Serokkomar dey. Têna pê nerazibiyayîşa demokratîk û quwetin, no eşkiyeno bibediliyo. Peynîyê qalkerdişê xo de Ozsoyî şarê Çewlîg ra waşte ke, 97 emegdarê perwerdeyî ke Çewlîg de gure ra fîniyayî dûr, wahar ci bivecî.
ÇEWLIG