EKO-JIN ya ke Pilûr de verîya 3 serran hetê cenîyian ronîya nika berheman dana. Sifte bi potişê nanî cenîyan destpa karî kerdî. Wextanê peynî de fasûleyê ke hetê cenîyan amey karitiş nika onca hetê cenîyan yenê arêdayiş. Cenîyê EKO-JINî verîya 4 aşman fasûleyê ke karitî nika zî mavêna xo de karî bare kerdî û seatanê sodir ra destpa aredayişî kenê. Fasûleyî kokî ra yenê wedarnayiş û ser pê yenê komkerden.
Cenî şenê her çî bikerê
Azaya Komîsyona Ekonomî yê Kongreya Jinên Azad (KJA) Songul Erdem, derheqê gureyînê EKO-JIN de zonayişî da û bi nê vatenan behsê gureyînanê cenîyan kerd: “Ma zey cenîyê EKO-JIN bi viraştişê nanî destpa ekonomîya xo kerd. Nezdîyê serrekîyo ma nan pozenê. Hamnanê emserr de zî ma fasûle karitî. Erdem da zonayen ke emelê înan no bi ke, cenîya ke hetê sîstemî hardî ra dûr amê vistiş, reyna înan bi hardî ra hemrî ardiş bi. Erdem vist vîrî ke çiyo ke ê Pilûr de vînenê, sîstemî mordem xêlê rehetî damûsna yo û va, bi EKO-JIN tayî çî yenê sereraştkerden. Songul Erdem aşkere kerd ke emelê înan bi cenîyan esto û va, cenî besekenê her çî bikerê.
Gurekara EKO-JIN Besîme Erenler zî da zonayen ke eke cenî biwazê şenê pêrokîn cayanê ekonomî de ca bigîrê. Erenler diyar kerd ke karê kolektîf zaf muhîm o û arde zon ke planê înan hona girdêr ke cenîyan tewr bikerê estê.
DÎHA / DERSIM