Konferansê ‘Bi fikrê Ocalanî Rojhelatê Mîyanî de aştî û îstiqrar ke hetê Akademîya sîyaset û fikrê demokratîk yê Başûrê Kurdistan virazîyeno do 3 rojan dewam bikero. Konferanso ke Otelê Palas ê Silêmanî de virazîyeno pawitoxanê Rayverê Şarê Kurd Abdullah Ocalanî, pawitoxê Nelson Mandela Essa Moosa ra pîya 4 leteyê Kurdistanî ra nezdîyê 150 delegeyî tewr bî û waştena serbestîya Ocalanî ardî ser ziwan.
Raya çarekerdişî fikrê Ocalanî yê
Dr. Faîk Gulpî ser nameyê komîteyê hadreyin sernî de qisey kerd û eleqe ant muhîmîyê konferansî ser. Gulpî da zanayiş ke înan konferans rastê serraçarnayinê Şoreşê 19’ê Tîrmeh ê Rojawa ardo. Dr. Faîk Gulpî ard ziwan ke, ey zey jew akademîsyen, fikranê Ocalan’î ra feydeyê gird dîyo û raya çareserîyê qrîzê Rojhelatê Mîyanî fikranê Ocalanî ra ravêreno.
Azayê Polîtburoyê YNK Mele Bextiyarî zî konferansî de qisey kerd û eleqe ant muhîmîyê fikranê Ocalan’î ser û vat: ‘Eno konferans çarçoveyê fikranê Ocalan’î de virazîyeno.Ocalan nika zîndan de tepişîyeno. Mayê zîndanan açarnê cayê azadî. Heme dinya zî, vîneno Ocalan se keno û serva çi ariq rijneno.
Vernîyazê Ocalanî muhîm ê
Panela sifteyîn de pawitoxê Ocalan’î Rezan Sarica, Hemserokê KCD Hatîp Dîcle û qiseykerdoxê HDK û parlementerê HDP Ertûgrûl Kurkçu derheqê perdeyê peynî yê komployê mavên netewî de qisey kerdî. Kurkçu ke moderatorîya panelî kerd vist vîrî ke nika bi mîlyonan însanî cewabê persa ’rewşa Ocalanî senîn a’ meraq kenê. Kurkçu da zonayen ke îstiqrarê Rojhelata Mîyanî girêdayê çarekerdişê meseleya kurd o û va vernîyazê çarekerdişî yê Ocalanî muhîm ê. Kurkçu va Ocalanî kurdan rê tenya ‘herbkerdişî’ nê herzewbîn haştîyekê senîn zî damûsnayiş. Hemserokê KCD Hatîp Dîcle zî hayr ant pey perdeyê komployî ser û polîtîkayê welatanê rojawayî rexne kerd.
Wextê wedarnayişê sîstemê Îmrali yo
Panelê diyîn bin nameyê ‘Dûştê Ocalanî de tecrît: Sîstemê Îmrali’ virazîya. Yardimkara hemserokanê HDP Aysel Tûglûk ke moderatorîya panelî kerd vist vîrî ke bado ke Ocalan berdîya Îmrali sîstemê îşkence, kerdişê şikitişê îradeyî zî destpa kerdî. Tûglûk da zonayen ke him hetê hiqûqa mîyanî him zî ya mavên netewî de meşrûyetê na sîstemî çinyo. Aysel Tûglûk aşkere kerd ke o ke bin tecrîdî de yeno giroten îradeyê şarê kurdî yo û va, endî wextê werte ra wedarnayişê sîstemê Îmrali û wextê serbestîya birêz Ocalanî ameyo.
Serva çarekerdişî hewldanê pîroz
Pawitoxanê Buroyê Hiqûq yê Asrin ra Rezan Sarica zî panelî de qisey kerd û hayr ant bazarî û bêhiqûqîna qilêrîn yê wextê esîrgirewtişê Ocalanî ser. Sarica’yî vist vîrî ke bi esîrgirewtişê Ocalanî nêçarekerdişê mesele hedef kerdî. Sarica ke behsê sîstemê Îmrali kerd û vist vîrî ke Ocalan bi serrano serva çarekerdişê demokratîk ‘hewldayenê bimbarek’ dano. Sarica da zonayene ke Îmrali de zext û tecrîd bîyo giran û aşkere kerd ke 5 serrîyo zey pawitoxê ci nêşkenê şirê pêdiyayinan. Sarica aşkere kerd ke heta ke êrişê pir hetî veng nîrê vetiş ageyrayişê demê çarekerdişê demokratîk zehmet o.
Pawitoxê Mandela Essa Moosa qisey kerd û vist vîrî ke tecrîdo ke ser Ocalanî de yeno ferzkerdiş tecrîdo ke Mandela rê ame ferzkerdiş ra hona vêşî xirab û giran o. Moosa aşkere kerd ke tecrîdê Îmrali dûştê hiqûqa mavên netewî yo û behsê silasnayişê xo bi Ocalanî ra kerd.
ROJNEWS/SILÊMANÎ