Babete sero Namzeda wekîlîya HDPe Halîme Yavuz ard ziwan ke hem ciwan û hem zî cenîbîyîşê ya hetê komelî ra ra-ray yeno ecêbdîyîş û wina domna: “No zî sucê partîyê sîyasîyan o. Çimkî ciwanî mîyanê perwerdeyê pergalî de bi ziwan, kamî û kultirê xo nêşkenî xo bîyarî ziwan. Lazim o ciwanî tersa eyro û ameyoxî ra bêrî xilaskerdiş.”
Zaf tersenî
Yavuz ciresna ke hemverê îqtîdara ke wazena ciwanan deka bin bandorê xo, lazim o têkoşîn bêro dayîş û wina vat: “HDP partîya ke ciwanan rey xo hewênena ya. Heme xebatanê xo bi ruhê ciwanan meşnena. Îqtîdar vana qey bi pelçiqnayîşê ciwanan eşkena HDPe werte ra biwedarno. Çimkî AKP ciwanan ra tersena. Ciwanî hewl danî ke bi persgirêkanê mektebî çareser bikerî. Xora êy ke mektebî qedênenî zî nînî tayînkerdiş. Hezey ke nêy bes nêbo, îqtîdar ciwanan kişena.”
Do cenî xo bipawî
Yavuz qalîkerdişê xo wina peynî kerd: “Ma wazenî polîtîkayê ke derheqê ma de yî, Wezareta Ciwan û Sporî nê, ma bi xo bire bidî. Lazim o ciwanî mekteban de meclîsê xo awan bikî û dest bi rayîrberdişî bikerî. Şarê Cizîr û Licêye de senî ke pawitişê xo aver benî se, ciwanî zî çîyo ke wina wazenî. HDP do zîhnîyetê meclîsî ya mêrdeyî bibedilna û Semedê cenîyan do vergirewtişan bigîra û do raşteyê azad awan bikera.”