Serekkomar Tayyîp Erdogan hewna rîyê nêyarîya kurd mojnabi û vat bike vakurê Sûrîyeye ra înşabîyîşê pergala eyalete seba ma gef a, no vatişê ra hemsereka KCKe Bese Hozat bi nuşteyê xo verpers da û vat ke Erdogan nêyarîya Rojawan kena. Sazbîyîşê kantonê Rojawan ra nika dewleta tirk bi polîtîkayê xo leyminî hêrişê Rojawan kena. Dewleta tirk bi koordînatorîya xo DAIŞê ser Rojawane eşrawita, çimkî serekkomar Erdogan zî aşkera vat bike Rojawan seba pergala Tirkîyaya faşîst ra bi teluke ya. Heme nê vatişê Erdogan û ravêreyeyê ra hemserekê KCKe Besê Hozat rojnamegeyê Ozgur Polîtîkaye de quncikê xo ra verpers da. Hemsereka KCKe Besê Hozat aşkera kerd ke çi heyfo ke dewleta tirk di Rojawane de pergala kantone xo ra zey yew teluke û gef vînena, dîyara ke Erdogan seba Şengale zî eynî fikrîde yo û wina vat: “Yanî ma nika ra eşkenê bivaje ke do meşte Erdogan no vatişê seba Şengale zî dibare bikero. Goreya Erdogan kurdan nê dinyaye ra seba koletî amey. Erdogan kurdê cewherî ra hes nêkena û no ser zî nêwazena kurdan wayîrê rayedarîya cewherî ra bibî, yanî kurdan layik nêvînena.”
Demokratîk yew Tirkîya
Hemsereka KCKe Hozat destnîşan kerd ke verba na zîhnîyeta faşîst kurdan xo ra tena layikê azadî vînenî, nika ra pey zey Erdogan mîlyonan bivejîyo nêeşkeno pergala xoserîye mîyanê ra bihewano û wina dewam kerd: “Do meşte eynî pergale Tel Aferijan, mûsilijan, kerkukijan û xaneqijan zî înşa bikerî. Do heremê pergala Xoserîya Demokratîk heremê ra vila bibo. Heme nê vatişê Erdogan mojneno ke Erdogan verba Rojawan û kurdan şerê xo bidomno, do biratîya DAIŞ û nêyartîya Erdogan a kurdan, peynîya Erdoganî biyaro. Bi no vindertişê xo do peynîya Erdogan zey Menderes û Ozalî bibo. Eke Erdogan wazeno se merg û vilabîyîşê Tirkîyaye ra bixeliso, çareya muzakereyê demokratîk a, tena rayîrê Erdoganî merg ra xelisyayişî Erdogan zî no rayîr o. No ser zî ganîyo ke HDP bêro hêzkerdiş, çimkî bi hêz yew HDP, demokratîk yew Tirkîyaye ya.“
Weçînayişê Tirkîya
Hozat dîyar kerd ke weçînayişê pêroyina Tirkîyaye ra bi partî de kewtişê HDP do verê hêzbîyîşê sîyaseta demokratîkî biakero û wina peynî kerd: “Nika konjoktureke est o, seba HDP zaf bi avantaj o. Nika AKP, Tirkîyaye şerê zereyî ra arda, verba heme çareserîya nê pirsgirêkan tena keye nişan HDP a. Zatî Rayberê Şarê Kurd Abdullah Ocalan zî di pêvînayişê xo 17 kanûne heyet ra vat bike HDP do weçînayişê pêroyina Tirkîyaye ra bi partî bikewo, çimkî tam çewtî yew rewş seba ma şerm o. Ez zî beşdarê no nirxnayişê Rayverê Kurd Abdullah Ocalan ra beşdar bena. Eke HDP weçînayişê bende bivîyaro do Tirkîyaye ra hukûmatake bi koalîsyon bêro ronayiş belkî HDP îqtîdar bibo. Hewna Şengala bi Xosera Demokratîk seba Rojhîlatê Mîyanê yew şans o.”
ANF/QENDÎL