Amed Goç-Derê rapora der barê koçberên Serêkaniyê de bi raya giştî re parve kir. Komeleyê li avahiya xwe rapor aşkere kir. Rêveberê Amed Goç Der'ê Yilmaz Kan rapor aşkere kir û wiha got: "Komeleya me ji bo geşedanên li herêmê lêkolîn bike li ser nûçeyên di çapemeniya neteweyî û navneteweyî de çûn li Serêkaniyê lêkolîn kir.Ji 8'ê Mijdarê ku pevçûnan dest pê kir heta niha koçberiyek mezin hatiye destpêkirin. Ev koçberî bi awayekî fermî nayê dîtin lê nêzî 10 hezar kesan ji Serêkaniya binxetê koçî Serêkaniya serxetê û gundên wê kirine. Heta niha 3 hezar û 840 kesan, 4 hezar kesan koçî navçe û bajarên derdorê û 2 hezar kesên din jî li deveren din belav bûne."

Kan, da zanin ku kesên koçî navçeya Serêkainyê kirine, ji aliyê rêxistina BDP'ê û şaredariyê ve tên parastin û ji bilî BDP û şaredariyê û welatiyan tu kes alikarî û piştgiriyê nade wan. Kan, anî ziman ku koçber li xirbe, eywan, gov, kadin û xaniyên saroceftê dijîn û di nava şert û mercên pir xerab de dijîn. Kan, diyar kir ku di her xaniyekî ango buroyekê de nêzî 12- 14 kes dijîn û piranî zarok û biçûk in. Kan, aşkera kir ku ji bilî BDP'ê û Şaredariyê tu kes alîkarîyê nadin wan. Kan, daxwazên koçeran wina rêz kir: "Divê sînor ji çeteyan bê parastin û rêya sînor li çete, tacîz û tecawizkaran bê rizgarkirin. Divê hemû pêdiviyên koçberên navçe gundan bê temamkirin.” Kan, bang li her kesî kir û xwest piştgiriyê bidin gelê rojava. 

DÎHA/AMED