Di civînê de şandeya PYD'ê piştgiriya  Desteya Bilind a Kurd ji xebatên aştiyane yên El-Ibrehîmî ku ji bo çareserkirine pirsgirêkên li Sûriyê û pirsgirêka Kurd di çarçova civîna Cenvreye 2 ku tê payî  di nava 22'ê  çile de bê lidarxistin anî ziman. Her wiha şandeya PYD'ê ji El-Ibrehîmê xwest ku Kurd li ser navê Desteya Bilind tevlî civîna Cenevreyê bibin. Hate gotin ku El-Ibrehîmê bawer bû ku pêwîste Kurd li ser navê Desteya Bilind tevlî Cenevreye-2 bibin û soz da ku ew ê ji bo vê yekê bixebite. El-Ibrehîmî ji şandeya Kurd re destnîşan kir ku pêwîste her dem bi Kurdan re di nava hevkariyê de be û destnîşan kir serkeftina  civîna Cenevre 2 tê wateya çareserkirina pirsgirêka Sûriyê bi awayekî aştyane.

CENEVRE



‘Pêwîste Kurd serbixwe biçin Cenevreyê’

Li bajarê Qamişlo nûnerên Komîteya Têkiliyên Diplomasî ya  Tevgera Civaka Demokratîk (TEV-DEM) û nûnerên Partiya Yekîtî a Demokrata Kurd li Sûriyê (Yekîtî) lihev civiyan û rewşa Rojvayê Kuridistanê û mijara civîna Cenevrayê nirxandin. Di civîna ku li navenda Yekîtî ya li taxa Rojava a Qamişlo hate lidar xistin de endamê Desteya Bilind a Kurd  Aldar Xelîl, ji Komîteya Têkiliyên Dipomasî ya TEV-DEM`ê Ebdilkerîm Umer, Xedîce Ibrahîm, Hekem Xelo, Taha Şêxmûs, Ciwan Fatimê û ji Partiya Yekîtî jî cîgirê Sekreterê Partiyê Mistefa Meşayix û endamên Desteya Rêvebiriyê Xebat Mihemed û Masûm Davûd beşdar bûn.
Di civîna ku du seetan dewam kir de rewşa Rojavayê Kuridistanê û mijarên girêdayî civîna Cenevra-2 hatin nirxandin. Nûnerên herdû aliyan diyar kirin ku pêwîste Kurd bi şandeyeke serbixwe bi navê Desteya Bilind a Kurd beşdarî civînê bibin. Her wiha aliyan dane diyar kirin ku pêwîste doza gelê Kurd wek xalek serbixwe têkeve rojeva civînê û mafên rewa yên gelê Kurd bêne misoger kirin.
Herdû aliyan derbarê projeya Rêvebiriya Demî de jî nêrînên hevbeş parvekirin. Endamên Partiya Yekîtî a Demokrata Kurd li Sûriyê diyar kirin û ew piştgiriya tevlîbûna Encûmana Niştimanî a Kurd li Sûriyê di nava projeya Rêvebiriya Demî dikin.

 QAMIŞLO