Di fuarê de Weşanxaneya Aramê jî bi berhem û pirtûkên nû standan vedike û derdikeve pêşberî xwendevanên xwe. Weşanxane, ligel 13 pirtûkên nû bi 89 cureyê pirtûkan li qada fuarê stantê vedike. Fuar dê gelek pirtûkên nivîskarên xwe ji îmzeyan re jî veke. Pirtûka nivîskar Vedat Çetîn, Demîr Çelîk û gelek kesên din dê pirtûkên xwe ji îmzeyan re vekin. Weşanxaneya Aramê dê ewil di 18'ê Çile de saet di navbera 14-16'an de pirtûkên nivîskar Vedat Çetin ji îmzeyan re veke. Di 19'ê Çile saet di 13-15'an de pirtûka Parlamenterê BDP'ê yê Mûşê Demîr Çelîk ji îmzeyan re veke. Herî dawi di 20'ê Çile saet di 14-16'an de pirtûka nivîskar Îlhamî Sîdar ji îmzeyan re veke.


10 salin xizmetê dide
Koordinatorê Weşanxaneya Aramê Gokhan Bulut, der barê bernameya fuarê ûxebatên xwe de diyar kir ku ew bi gelek berhemên nû û dewlemend beşdarî fuarê dibin û derdikevin pêşberî xwendevanên xwe. Bulut, anî ziman ku fuar ji bo weşanxaneyan xebatek girîng in û wiha got: "Fuar dê di 15'ê mehê roja sêşemê dest pê bike û heta 20'ê mehê roja yekşeme bidome. Em hemû xwendekarên xwe yên herêma Çukurovayê dawetî fuarê dikin. Em dixwazin xwendekarên me li vir xwe bigînin pirtûkên me yên nû." Bulut, anî ziman ku ew bawer dikin ku dê pirtûkên wan li gorî dilê xwendekaran bin û xwendekar dê karibin hemû cûreyên pirtûkan li ser dezgehêwan bibînin. Bulut, anî ziman ku hem berhemên wêjeyî yên Kurdî û hem jî yên bi zimanên din jî hene. Bulut, da zanîn ku Weşanên Aramê 10 salin xizmete dide û di nava weşanan de deng daye. 

DÎHA/AMED