Bi nameyê Elî Hec Ehmedî keso ke bajarê Kobanê de bi nameyê ‘Elo’ yeno zanayene, bi raybazanê tebîîyan welatîyan tedawî keno. Hec Ehmed hîna 10 serreîya xo de nê raybazê tedawîye pîyê xo ra museno û dima ra her ke şono beno pispor.
Badê ke pîyê ci wefat keno, Hec Ehmed keyeyê xo gêno û dewe ra şono û bajarê Kobanê de bica beno. Welatîyê kobanêyijî hetê Hec Ehmedî de dest bi tedawî bîyayîşî benî. Babete ser o Hec Ehmedî qisey kerd û melumatê muhîmî dayî.
Hec Ehmedî qiseykerdişê xo de wina va: “Eke esteyî hîna newe cayê xo ra vejîyayî, yan zî şikîyabî ez eşkena tedawî bikera. Seba ke lazimîya mi esta, ez pere gêna. Neke ez feqîran ra pere nêgêna. Eke şikiteyan ser ro wext zaf bivîyaro, ez nêşêna tedawî bikera.”
ANHA / KOBANÊ