Kordînasyonê KJK serraçarnayinê qetilkerdişê 3 ceniyanê Kurd ê şoreşger de, askerekerdis da. KJK Sara, Rojbîn û Ronahî vîr ard û sozê ca-ardinê wastenê şehîdan ard ziwan.
KJK aşkere kerd ke, qetlîam zey, leteyê siyasetê dewleta Tirk ê qirkerdinê kurdan û hereketê azadiyê ceniyanê kurdan hesibna.
Wazenê bi qetlîaman Kurdan teslîm bigîrê
Kordînasyonê kJK qiseyanê Rayverê Şarê Kurd Abdullah Ocalan’î yê “komkiştena Parîs, zey Dersim a diyîn a” vist vîrî û wina va: “Mesaja ke, dewleta Tirk, bi komkiştiş da şarê ma, ewro zî bi lejê topyekûn ê verra şarê ma û ceniyanê kurd ramena. Serra 3. ê komkiştena Parîs de zî, dewleta Tirk û faşîzmê AKP, verra Kurdê ke siyasetê qirkerdin qebûl nêkenê ramenê. Bi êrişanê zaf-hetin ra wazenê şarê Kurd û ceniyanê Kurd teslîm bigîrê.
Qetlîamî riyê faşîstîn yê dewleta tirk damusnenê
Rojverê komkiştena Parîs de, cayê zey Silopî de kiştenê 3 embazanê ma, çiyê tesadufî niyo.
KJK 3 ceniyê Kurd ê ke Sîlopî de kişiyay, zey sembolê xeta azadî yê Sakîne Cansiz hesibna û wina vat: “Sîlopî de kiştişê Sevê Demîr, Pakîze Nayir û Fatma Uyar fina bîn, qerakterê faşîzm, îşgal, û qirkerdox, yê dewleta Tirk ravist ver çiman.
Kordînasyonê KJK aşkere kerd ke, siyaseta dewleta Tirk û yê AKP ya faşîst verra xoverdayişê şarê Kurd, hetanî ewro bê netîce mend û do neyra tepya zî bê netîce bimano û va, kiştoxî mehkûmê binkewtiş ê.
Barîqatan berz bikerime
Kordînasyonê KJK hêrsê xo yê verra komkiştena Parîs û terora dewleta Tirk ard ziwan û vat: Nê êrişî dê qetiyen bê cewab nêmanê. Hesabê nê komkiştenan do pers bibo. Heyfê kiştenan û komkiştenan do bîro giroten. Genc û ceniyê Kurd, dê bêkamiyîn qebûl nêkerê. Îye de xo bêpawitiş nêternê, bi rihê ceniya azad û îradeyê xoverder xoserîn ê kurdan, verra dewleta faşîst xo ver bidê. Ma bi no wesîle veng danê heme ceniyanê kurd û vanê çarçoweyê xeta Sarayan û rihê azadî yê Sevêyan de xoverdayiş û barîqatanê xo berz bikerê û weşiya azad ronê.
ANF/BEHDÎNAN
PKK: Ma sozê heyf girotişî danê
Komîteyê Rayverîn yê PKK zî, derheq dê qetlîamanê 9ê Çile yê Parîs û 4ê Çile yê Sîlopî de damûstayîn da.
PKK va, xoverdayişê ceniyanê Kurdistan, bi qetilkerdişê Sakîneyan nêqedya û do nêqediyo. PKK va, zey nimûneyê Sîlopî, Sakîneyî dê bibê jêde, bibê gird û rayverînê xoverdayişî biramê.
PKK, tekoşînê ceniyanê Kurd, gencanê Kurd û pêrokîn xoverderê Kurd silamî kerd. Komîteyê Rayverîn ê PKK hêrişê faşîzane yê dewleta Tirk lanet kerd û sozê heyf girotişê kiştişê ceniyanê Kurd û sozê ca ardişê azadiyê şaran da.