Banê DBP ê Amed de greva veyşanî ya gird roja 5. de ramena. Nûmayişa ke semedê Rayverê Şarê Kurd Abdullah Ocalan ra xeber guretişa viraziyena, zaf eleqa ûncena  xo ser. Nûmayişkaran pê yew eşkerakerdiş Komîteyê Verîgirotişê Îşkence CPT protesto kerdî. 

Nûmayişkarê ke 'Rojnuşteyê Xoverdayişê Sûr’î ke Rojnameyê ma Ozgur Polîtîka û Azadiya Welat de weşanîyeno wanenê û ci ra quwet û moral gênê. Nûmayişa grevê veyşanî raştê zîyaretanê welatijan û çormeyanê hera yena. Welatijê ke şine zîyaretê nûmayişkaran ra yew zî 80 serrî Bedriyê Çîftçî ya. Dapîra Bedrîye her roj seatanê sodir ra tepya şina zîyaretê nûmayişkaran û persa ‘Ocalanî ra xeber esta?’ kena. 


Wezîfeyê CPT verniyê eşkecî guretişo

Heto bîn ra nûmayişkarê ke greva bê wext û bê agerayîşî de ca gene, pê yew eşkerakerdiş Komîteyê Verîgirotişê Îşkence CPT rê nêrazîbîyen damûsnay. Eşkerakerdiş de, bi sebebo ke CPT bê ziyaretkerdişê Îmrali Tirkîye ra peyser agêyra nêrazibiyayîş miyejîya ra. Nûmayişkaran dazûnayene ke wezîfeyê CPT verniyê eşkecî guretişo, la ê biye wertaxê eşkeceyî. Nûmayişa tarîxî de nûmayişkaran waşten û qerarînê xo zî arde zûn û aşkere kerdî ke serbestiyê Ocalan serbestiyê perokîn şarê kurd a. Coka ê wahar îradeyê xo veciyenê û pê nûmayişan wazenê ke kêberê Îmrali akerê. Hûnca mesajanê xo de çalakvanan veng da Kurdistanijanî zî û waşte ke wahar Rayverê xo veci her ca biçarnî cayê çalekîyan. 


Bibime çemberê tîvarî

Heto bîn ra tepişteyê siyasî yê girotxaneyanê tirk zî seweta Rayverê Şarê Kurd Abdullah Ocalan'î kewnê hereketî. 7 girotxaneyanê ciya de, 35 girotey 15ê Îlone ra tepya despa grevê veyşanî ê bê wext û bê açarnayişî kenê. Rayverê Şarê Kurd Abdullah Ocalan'î ra xeber nêgirotiş, tepişteyanê siyasî yê dawaya PKK û PAJKî yê girotxaneyanê tirk zî vist hereketî. Giroteyanê siyasî zî qerar girot ke, seba bi Ocalanî pêdiyayiş virazîyo û desteg bidê grevê veyşanî destpa grevê veyşanî bikerê. Ser nameyê giroteyanê dawaya PKK û PAJK Denîz Kaya damûstayîn da û grevê veyşanî ê Amed û pêrokîn nûmayişan selamî kerd û qerarê giroteyan aşkere kerd.


Sebebê weşîno

Denîz Kaya damûstayîn de eleqe ant êriş û bê hiqûqînê dewleta tirk ser û vist vîrî ke AKP hewldanê derbeyê 15ê Îlon ra dima serdestîya xo îlan kerdo. Kaya ard ziwan ke, Erdogan û AKP faşîzmê xo, 15ê Temmuz ra tepîya kerdo vêşî û wazena heme muxalîfan teslîm bigîro û hegemonyaya xo rono. Denîz Kaya eleqe ant muhîmînê Ocalanî yê seba şarê kurd û çormeyanê demokratîkî ser û va: “Seba ma, rewşê Rayver Apo, sebebê weşîno. Nika Îmrali de rewş çiçîyo ma nêzanê. Vera heme vengdayiş û waştenan, dewleta tirk nêviradena bi Rayver Apo ra pêdiyayiş virazîyo. Çiyê winayin zî, fikar û tersê ma kerdo vêşî.” 


Sifte 35 tepiştey destpa kenê

Goreyê damûstayîn, grevê veyşanî yê bê wext û bê açarnayin ê giroteyanê siyasî, do 7 girotxaneyanê ciya de 15ê Îlon de destpa bikero. 7 girotxaneyanê ciya ra zey komê 5 kesîn, 35 giroteyê grevê veyşanî yê bê wext û bê açarnayin de ca bigîrê. 7 girotxaneyan mîyan de Girotxaneyê Diyarbakir Tîpê D, yê Sêrt Tîpê E, Girotxaneyê Gebze yê Cenîyan, Kandira No w Tîpê F, Kiriklar Tîpê F û Girotxaneyanê Sîlîvrî û Tarsûs ca gênê. 

Denîz Kaya ard ziwan ke rojanê ravey de, komê bînî dê tewrê grevê veyşanî bibê, la belê girotxane û koxûşê domanan (qeçikan) dê qetî tewrê nûmayiş nêbê. Kaya peynî de wina veng da: “Ma embazê Mazlûman, Xeyriyan û Kemalan ê. Ma senî serra 1999  bi siloganê ‘şima nêşenê tîja ma tarî bikerê’ çormeyê Rayver Apo de biyê çemberê adirîn, nika zî ma dê çormeyê Rayver de bibê çemberê tîvarî. Her embazekê ma yê tepişte, fedaîyê Rayver Apo yê. Ma no çarçove de veng danê keyeyanê xo, heme welatperwer, çormeyanê demokratîk û pêrin ra wazenê bi rihê seferberî serwedarnayişan berz bikerê û topyekun werzê ser payan.  


DÎHA/AMED