Gava tifaq bibo qewet zî esto. Bereket zî esto. Hereket zî esto. No tifaq bi rehetî nêvirazya. Heta no virazya zehf dejî amey diyayiş. Zehf gonî rişyay. Zehf bedelîy amey dayiş. La nê pêro derede nêşî.
No tifaq weçînayiş verînan de zî ame diyayiş. La zey na reye nêbi. Xebate zî zey no weçînayiş nêvirazya. Heme şarê kurd bi xebatoxê nê weçînayişî. Her yew bi mîlîtanê nê karî. Bi kam çi biyêy ew kerd. Verpersî girewt. Verpersîya xo bi ca arde.
Sebebêkê no şar arde teyhet estbî. Serede Serekê Şarê Kurd Birêz OCALANÎ projê HDP da zanayiş. Kesêkê Turkiyada cuyen tenê yew şar, yew milet, yew ol, yew mezheb ra nîyê. Lazimo na bêro zanayiş. Kû na amey zanayiş, lazim ti niyan pêro biyarê teyhet. Pêro teydir mafanê xo, mafê yine yêko se sera bin pê biye bi dest fînê.
Semed aye zî lazim rayhevaltî bivirazyo. Nayrê partiyêka bibo sîwane lazim. Na zî partiya HDP ya. Bi na partiye şar, ol, mezhebêko heta ewro Turkîya de yê bînîy amey vînayiş temsîlîyetê bêrê meclîs biday yine. No sazî zî virazya. Heme teydir xebetyay. Ewro bin a projey risay armancê (miradê) xo.
Sere wedardişê GEZÎ. Cay cêy xişno. Polîtîkayê AKP şarê kurd xo vîrra nêkerd. Go kamcoy xo vîr-ra kero. Qetlîamê Roboskî. Zerê temamê şarê kurd dejna. Vatişê semed Kobanî ku ame vatiş. Hem zî qarşî Kobanî vindertbi û vatê.
“Kobanî duştuuuuu düşecek” (Kobanî kewwwt kuno). Ka no vatişo. Ka no vatiş kam êşken xo vîr-ra bikero. Ka kurdan aqilê xo bi nan û penîr werdo. La tenê no nê mitînganê xo de ti vacê pirsgirêka kurd çinya. Raynê ti Qurano Piroz mitînganê şaristanê kurdan de xo dest bi çarnê.
(Şima zanê ez behsê kamî kena). Qetilkerdişê embazê Kanîreş û Erziromî. Badê hende buyeran serzotê serî zî teqînê bomban yê mîtîngê Amedî.
Xo no se sero înkar û îmha şima zey dewlet kerde. Newroza sera 2013 bi deklere OCALANÎ dest bi diyaloxe ame kerdiş. Arojera heta ewro yew gerîla yew fişek nêteqna semed gonî reyna nêrişyo. Bi roniştişê ”Saraya Dolmabahçe de” des xalan ser pêkerdiş.
Deklere kerdişê nê des xalan. Ecêb na ecêb sera ti nê pêroyin nêvînayî bihesebnê. Ka kam henî tora bawer keno. Ti bawerî dane kamî.
Ewro ra pey henî zede xebat lazima. Lazim ma rêxistînîya xo xutkerim. Bi şiara ku yena zanayiş “heq nîno dayiş yeno girewtiş” bixebetyim. Encamê weçînayişî ma pêroyinerê pîroz bo.
Nesîp GULTEKÎN