Bi nameyê Abdullah Gorenî de keso ke Taxa Eskonakî ya qezaya Nîzîpî ya Dîlokî de cuyeno, eşteyan ra çîyanê hunerî û cîcikan virazeno. Goren şono eştegehan ra eşteyan arê dano û nê eşteyan ra cîcike, qame û sewbîna çîyanê hunerîyan virazeno.
Karo esasî yê Gorenî citkarî yo û xeyalê ci yo tewr gird o yo ke eseranê xo sergîyêk de nîşan bido. Goren dîyar keno ke tayê qamê ke viraştî 10 rojê ci girewtî û tayê înan zî 7 aşmê ci girewtî. Gorenî heta nika tayê eserê xo Anqara û Dîlok de nawitî.
Goren dano zanayene ke o zewajê xo ra pey seba ke domanê xo rê cîcikan virazo tayê çîyî viraştî û wina domneno: “Mi bi no qeyde domna û tayê maket û qamî viraştî. Ez xurdeyan xurdekaran ra arê dana û ez wextê xo yê vengî de atolyeyê xo de xebetîyena. Seba ke îmkanê mi kêmî yî, ez hawayêko wazena nêbeno. Heta nika mi ti destek nêgirewto. Ez qamê ke sîleh destê înan de estî virazena. Tîya de amancê mi o yo ke ez bale bianca sîlehgirewtişê unîversalî ser. Bêxera ci ez vilik, tîtikê dêsan, saet û sewbîna zî virazena. Her ke ez firsend vînena, ez xebatanê xo her ware de nîşan dana. Ez eseranê xo bi temamî eşte û xurdeyan ra virazena.”
MA / DÎLOK