FEDA seba Festîvala Zîlane ya ke do 22ê Hezîrane de bajarê Leverkusenî yê Almanya de bêra viraştene vengdayîşê tewrbîyayîşê cinîyan ê Elewîyan, heme cinîyan ê Kurdan û dostanê ci kerd.
Eşkerayîye de ame vatene, zext û zordarîya vera cinîyanê ke sey wasitaya zîhnîyetê neheq ê tekperestî vejîyayê werte de, bi polîtîkayanê teberê merdimîye vera de cinîyan roje bi roje zêde benê. Eşkerayîye de vato ‘Heta zîhnîyeto ke verê nê rayîrî akeno dewam bikero, têkoşînê azadîye yê cinîyan û cimatan zî do dewam bikero’ û wina domna: “Sey wayê Mîrabelan, Besê, Zarîfe, Sema, Sakîne û Zîlanan. Festîvala Cinîyan a Zîlan a ke bi ruhê azadî û xoverdayîşî yê cinîyan her serre yena viraştene, emser serrgêra 15. 22ê Hezîrane de, roja Şemeyî de bi coşa azadîye do bêra viraştene.”
Eşkerayîya bi nameyê Yewîya Cinîyan a Elewîyan de vato ‘Xoverdayîşê vera zulmî de heq o’ û wina qedîyayo: “Vengdayîşê cinîyanê Elewîyan û heme cinîyan ê Kurdan rê ame kerdene ke Şeme adresa Bîsmarckstrasse 125 Leverkusenî de tewrê Festîvala Zîlane bibê. Senî ke mêşê hingêmenî seba jehrê xo mîyanê hengmênî ra vejê yenê têhet, zulmê zalîman zî bi têhetameyîşê cinîyan ê dorê azadîye do werte ra biwadarîyo.”
ANF / BRUKSEL