Eleqeyekê gird vîneno
Heremê Serhadî de herabîyayîşê kampanyaya Azadiya Welatî ‘Her banêk, welatêk’ ser o edîtorê rojnameyê ma Azadiya Welatî Bîşar Durgut zanayîş da û vat ke her ke şono kampanya ra elaqeyêko gird yena nîşan dayîş û wina vat: “Kampanya de armancê ma her banî ra resnayîşî rojnameyê Azadiya Welatî yo. Sifte kampanya Amed de dest pê kerd û demo ke kampanya elaqeyêko gird dî, ma zî zerrîya Serhatî Wan de 2’ê gulane de startê kampanya da û ma wazenî her qeza de na kampanya bidî averberdiş.”
Edîtorê rojnameyê ma Azadiya Welatî Durgut destnîşan kerd ke dîroka Azadiya Welatî, bi giran bedeldayîşan barkerde ya û wina dewam: “Azadiya Welat nirxeyêk o û şar wa no nirxî ra wayîr bivejo. Ma heme xebatê xo bi kolektîfî aver benî. Şarê ma seba pawitişê ziwan û kultirê xo wa wayîrê kampanya bivejî. Kesî ke kurdî nêzanaynî bi Azadiya Welatî kurdî musayî, Azadiya Welat seba 5 serra yew domanî ra hetanî ra 70 serra yew extîyarî wendegehêk o û wezîfeyê musnayîşî vîneno. Wa her kes Azadiya Welat biwano û bido wendiş. Şarê Wanî ma ra vatî ke şima hetanî nika kura de bî.”
Ziwanê ma rojnameyê ma yo
Kampanyaya rojnameyê ma Azadiya Welatî ra kadro û mamosteyê ke wendegehê kurdî de xebityenî hetkarîya xo nîşan dayî û vatî ke Azadiya Welat seba ziwanê kurdî, zey wendegehêk o. Mamosteyê Dibistana Seretayî ya Ferzad Kemangerî aşkera kerdî ke destpêkerdişê na kampanya goreyê înan weş bîyo, serkewtiş û firaz o û wina vatî: “Ma veng danî heme may û pîyê wendekarê xo ke wa bibî aboneya rojnameyî. Wa heme banan ra rojnameyê Azadiya Welatî bikewo û her kes biwano. Seba çi seba ziwan û averşîyayîşê ziwanî? Wa her kes wayîr bivejo Azadiya Welatî ra. Her banêkî ra welatêk bikewo, xo ra dirûşmê kampanya zî ‘Her malêk, welatêk’ o. Ma zî hetkarî danî na kampanya û ma zî bîyî aboneya rojnameyî. Ganî her kes bibo aboneya rojnameyî û wayîr bivejo û wayîrê ziwanê xo bivejî. Çimkî ziwanê ma rojnameya ma yo, ziwanê ma zî rûmetê ma yo.”
DÎHA/WAN/AMED