Bijî Til Koçer û YPG

Şervanê YPG, pê ganê xo, pê gonîyê xo, pê renc xo tarîx nusnenê.
Şervanê YPG, pê cesaretê xo, pê taqtîkê xo, pê şerkerîyê xo tarîx nusnenê.
Nîvanî tanq estî, nîvanî muşekê katyûşa estî. Nîvanî dewleta Tirk, Amerîka, Suudî esta.
Danê pêro yew bi yew berge kî estî, ra kenî.
Pêro keynayê û lajê ciwan bi qehremanî şinî ser çeteyan û nîverdenê çetê boyê xo zî bidenê.
Pîr û kalê Kurd zî çek girewto. Paştê keynayê xo û lajê xo genî.
Pêro dayîyê Kurd zî, seba şervanên YPG nan pewjenî, werdi pewjenî.
Zerrê bajaranê de, asayîşê bajaran genî.
Şervanê YPG, pê  no yewîyê Şarê Kurd perodanî û perodanî, çeteyên dişmenê dînê Îslam paşpaşkî remenê.
No şer û serkewtiş, zerrê Şarê Kurd de şabîyayîşek zaf gird viraşto.
Şarê Kurd, hina bîyo ke, yew vano qey newe  ra dayî bîyo.
No şayîbiyayîş heqê Şarê Kurdo.
Tim û tim bermayîş qederê Şarê Kurdi nîyo ke.
Welatê xerîb de zî herkes şaş bîyo.
Vanî “Amerîka nîeşkena çeteyên dişmenê dînê Îslam,la YPG çeteyan vila kena”.
Vanî, “Ma qey homa paştê YPG geno”.
Bi girewtiş Til Koçer û pêro dewê Çilaxa û Rimelan, Şarê Kurd zêdeyîr şa bîyo.
Şarê Kurd, şayîyan virazeno. Şarê Ereb zî şayî virazeno. Hina asena ke, Şarê Ereb gorê Şarê Kurd zafêr şa bîyo.
Seba serkewtişa YPG, pêro Şarê Kurd û Şarê Erebe aye ke Rojavayê Kurdîstan ciwîyenî vanî, “Bijî Til Koçer û YPG”.
Ma zî vanî, Bijî  Til Koçer û YPG!