Doh bi destpêka cejna Remezanê re sînordar jî be Kurdistaniyên li Hamburgê li Mizgefta Şêx Seîd cejna hev pîroz kirin. Her kesî li mala xwe destnimêj girt û çû mizgeftê û li mizgeftê jî bi şertên mesafeya fizîkî nimêj hat kirin. Mele Ferman li vir ji cimaetê re peyivî û got, "Heger em dixwazin Xwedê Teala rojiya me qebûl bike, divê em alîkariyê bidin feqîran, mexdûrên şer û mirovên xwe. Li Kurdistanê bi hezaran malbat mexdûr in. Em destekê bidin kampanyaya hevmaliyê ya Heyva Sor a Kurdistanê. Bila cejn bibe sedema yekîtiya me. Em wisa dihizirin, lê zalim dibêjin, em ê di mezel de jî rehetiyê ji we re nehêlin û gorên me bi ser me de tînin xwarê. Em ti carî meyla zaliman nekin û em ti carî li cem wan ref negirin." HAMBURG