Bi boneya salvegera şehadeta têkoşera Kurd Bêrîtan, pêr Asayîşa Jin a Rojavayê Kurdistanê konferansa xwe ya yekemîn bi şîara “Şoreşa ku jinê rizgar neke, ne şoreşeke rasteqîn e” bi amadebûna 500 delegeyên ji Kantona Cizîrê û Kobanê, li dar ket. Delegeyên Kantona Efrînê jî ji ber rewşa li wir nikarîbûn beşdarî koferansê bibin.
Konferans li navenda Çand û Hunerê ya Aram Tîgran a bajaroka Rimêlanê hat lidarxistin. Endama Desteya Rêveber a Tevgera Civaka Demokratîk Foza Yûsif, Hevseroka Desteya Hundirîn a Kantona Cizîrê Şêrîn Adem û nûnerên ji Kogreya Star û Partiya Yekîtiya Demokratîk (PYD) wekî mêvan beşdarî konferansê bûn.
Piştî axaftin û nirxandina kar û xebatên salên borî, konferans bi stendina biryaran bi dawî bû.
Hin biryarên konferansê
*Bilindkirina asta sîstema hêzên Asayîşa Jin
*Pêkanîna sîstema Asayîşa Jin li her derê û vekirina navendan
* Girîngiya vekirina akademiyên Asayîşê û pêşxistina wê li her sê kantonan
* Pêşxistina nivîsgehên ewlekarî
* Berdewamkirina têkiliyan di navbera hêzên Asayîşa Jin û saziyên civaka sivîl û hemû aliyên pratîk di civakê de.
* Zêdekirina hejmara endamên Asayîşa Jin li hemû navendan.
ANHA / RIMÊLAN