Çekdar Botan (Adîl Sunger) û Lecwan Mûnzûr (Rûhat Tabak) 5ê Hezîrana 2016î Qendîl de netîceyê hêrişanê teyareyanê şerî yê artêşa Tirkî de şehîd bîbî. Sunger û Tabak bajarê Kolnî yê Almanya de ameyî vîrardene. Kombîyayîş hetê Têgêrayîşê Ciwananê Şorişgeran ra (TCŞ) ame organîzekerdene û xeylî kesî tewrê ci bîyî.
Bi nameyê TCŞyî Şîyar Gabarî qisey kerd û ard ziwan ke Lecwan û Çekdarî bi xebatanê xo yê Almanya berpirsîyarêka girde daya serê vileyê ciwananê Kurdî. Şengê Kahramane bi nameyê KOMAWî qisey kerd û ard ziwan ke çiqas dem ser o derbaz beno wa bibo vîrardişê şehîdan giran o.
Têgêrayîşê Cinîyan ê Kurdan ê Ewropa ra Jînda Denîze zî va “Taybetmendîya tewr muhîm a Çekdar û Lecwanî a bîye ke timî rîyê înan huyayene û moral dayêne der û dorê xo.” Kombîyayîşî de dayîka Adîl Sungerî Ayten Sungere qisey kerd û Ferîde Halîtoglû zî şîîra xo ya bi nameyê ‘Ez Kurd a dayê’ wende.
Kombîyayîş bi qîrayîşê silogananê ‘Şehîdî nêmirenê’ û ‘Biciwîyo Rayber Apo’ qedîya.
ANF / KOLN