Çimkî zanaynê eke ziwanê yew şarî biqedîyo do no şar zî biqedîyo. Dewleta tirk eynî polîtîkayê bi serrana ke ser şarê kurd şuxilnena, labelê êdî şarê kurd dijî no polîtîkayê dewleta tirk de haydar o û dijî no polîtîkayan zî dest pê îlankerdişê xorayîrberdişî kerd. Êdî şarê kurd wazeno xo bi xo îdare bikero. 


Boykotê domanan

Nika zî şarê kurd dijî hêrişê ziwanê ci, dest pê boykotkerdişê dibistananê dewleta tirk û AKPe kerd. 20 mîlyon domanê kurd do dibistanê dewleta tirk boykot bikerî. Kongreya Komeleya Demokratîk (DTK) zî seba na bire aşkerakerdiş rê banê xo de aşkera dabî û aşkera de zî wekîlê HDPe Kadrî Yildirim vat bi ke her ke şona ser şarê kurd polîtîkayê asîmîlasyonî hera benî, xora rayverê AKPijî no fikrê xo bi aşkera anî ziwan, finak; Bulent Arinç vat bi ke ziwanê kurdî ziwanê şaristanî nîyo, labelê serekkomar Erdogan seba weçînayişê Quranê Kerîmî  kurdî dabî açarnayiş, êdî şarê kurd nê polîtîkayan qebul nêkeno û wazeno ziwanê xo bi xo aver bero û no ser zî yew hewte dibistanê dewlete domanê şarê kurd do boykot bikerî. 

Hunermendê kurd zî bira boykotî ra hetkarî dayî û nê hunermendan ra yew zî Serhet Çîçek o. Hunermendê kurd Serhat Çîçek Licê ya Amed de ameyo dinya, malbatê ci peynîya tade û zilmê dewleta tirk koçî Amed kerdo û malbatê ci zaf feqîr bîyo. Çîçek cuyayişê xo de her tim dijî zehmetîyê ekonomîye têkoşîn dayo la qet muzîk ra zî fek veranêdayo.

30 serreyê xo de Çîçekî dest pê muzîkî kerd. Çîçek bi nameyê ‘Hêz’ de albumek newe vet, goreya Çîçekî nameyê albumê ci têkoşîn û xoverdayişê malbatê ci ra yeno û dema viraştişê albumî zî têkoşînê malbatê xo ra îlham girewto. 

Zereyê albumê Hêz de 10 deyîrî est î. Taybetê na albumî de ver deyîrê Kobanêye vejîyeno, çimkî Çîçek û embazê ci deyrê Çanakkaleye seba têkoşîn û xoverdayişê Kobanêye newe ra dîzayn kerdî, goreya Çîçekî Şerê Çanakkaleye, dinyayê de tewr gird şereko hîsgêrî yo, no ser zî qet yew dorûver nêeşkeno bivajo ke no şerî ez qezenc kerda û Şerê Çanakkaleye bi têkoşînê heme şaran, rengan ameyo qezenckerdiş, no ser zî ganî bi ke seba Kobanê zî ona yew deyr biameynê nuştiş.

Çîçek destnîşan kerd ke xizmetkerdişê muzîkî rê sewbî planê ci est î, demo ameyox de ê plan kenî ke do komek saz bikerî û na komê de zî tewr kêm 5 hunermendî ca bigêrî, hewna tena yew deyr ‘Licêm’ ra do singel û klîban biancî, bernameya televîzyonî do bivirazî. Taybetê Çîçek kultirê kurdan Kakîndos sero taybet xebat keno, çimkî Çîçek nêwazeno no kultir bêro vîrkerdiş.


Teqyayişê hîsê ci

Çîçek îzeh kerd ke na album teqyayişê hîsê ci yê, çimkî birayê ci, pîyê ci, datê ci û sewbî merdimanê ci hetê dewleta tirk ameyî qetilkerdiş û no album zî berhemê têkoşîna şehîdan o. 

Çimkî merdim demo ke hîsgêr bibo se no demî ya dest pê nuştişê deyrî keno, ya zî hilberînê muzîkî keno, bena merdim wazeno bi teqno ya zî parçe bikero la ê qet hetanî nika nêwaştî biteqnê ya zî parçe bikerî û ê her tim waştê xebatê aştîye û xulqkerî bikerî. 

O heme dorûveran de bi aşkera vato ke na albumî de rolê Dayikê Şemeye zî est î, ê xora demo ameyox de çi xebat bikerî se do heme nê xebatê xo seba Dayikê Şemeye û faîlê meçhulan bikerî. Seba înan zî taybetê projeyê gird bivirazî û seba no zî ganîyo ke çapemenîye înan ra hetkarî bido. 


 NAVENDA XEBERAN