Brûsk Dersim yad kerdî

Çalakî de jû Tîmê Taybet merd. Qomê Dersîm kî na çalakî rê çimanê xo ya sahîdene kerd. Demo ke 2 gerîlayî ceriyayî gûleyan ver qirayisê qomî înan rê biyê qûwete û na wayir vejiyayiş mezgan ra nêame esternayene. Çetînkaya serragêra şehadetî de ser mezeleyê xo de yad bi.
Çalakiya fedaî yê 4'ê Îlone de lej ra dima olwozê ci yê tekoşîne Îpek weşiya xo kerd vîndî, Baran Çetînkaya-Brûsk Dersîm kî giran bî dirvetin û nêwesxane de weşiya xo kerd vîndî. HPG'yiz Baran Çetînkaya (Brûsk Dersîm), zilm û nêqiyanê dewleta çitûr kî ame dîna naskerd.

HPG'yiz Çetînkaya, qaza Dersîm Mazgert dewa Sorek de 21'ê Temmûze 1993 de yeno dîna. Waxto ke Çetînkaya yeno 3 serrîna xo piyê ci yeno pêgurtene û erjîno zîndane. Hersê Çetînkaya ke verra dewlete serranê qişkek de demê diyayisanê zîndane bi peyê xo ra dest keno ci. Hevalê ci yê mektevî û olwozê ci HPG'yiz Sancar Bûlûç (Seyîd Riza) 28'ê Gûlane 2011 de Kastamonû koyanê Ilgaz de qaza Îhsangazî herema dewa Bozarmût demê jû pêrodayiş de weşiya xo keno vîndî, nayê ser Baran qerarê xo dano û koye ke ci ra zaf haskerdene Dersîm ra tewrê HPG beno.

Maya ci Fadîme Çetînkaya Baran sero nînan vana: 'Domanîna xo ra bi rindîna amene zonayene û riyê xo yê wayisana nasbiyene. Bi wayisa her tim însonan rê yardim kerdene, haştiye, way û birayene û mordemiye ra haskerdene. Brûsk domanîna xo de kî olwozanê xo ya pêronêdene. Gegane ez ci rê heredîne. To çinay rê her tim înan rê rindiye kena. Mi ra vatene 'daye iyê xo ra xiravîne. Eke ez kî jê înan bivîrîn ciyê mi înan ra kem maneno.''

'Wayisê xo ra wayis bidê mi’

Maye lazê xo bi na qeseyana zon ardene rê dewam kena: “Brûsk raşt ke verra dewlete hersa bivî pîl. Zîndane de maneyena piyê ci, şahadetê hevalê ci Seyît Riza iyê de dez kerd jede. Waxto ke 2011 de Seyîd Riza Kastamonû de şehît bî zerya ci zaf deze. Iyê hevalê mektev bî û her ciyê xo iyê de barekerdene. Waxto ke şî bî pelga xo de resmê Seyîd Riza (Sancar Bûlûç) bare kerd bî û mesajê 'Wayisê xo ra wayis bidê mi, cesûrîna xo ra bidê mi kî hûrendiya to bicerîn' vila kerd bî.” Piyê ci Mehmet Çetînkaya ke Brûsk sero qeseykeno û vano: lazê mi weşiya xo de mordemiye û şarê xo ra haskerd, royê Apociyo ke wayirê ci bî kese ke dormê ci de bî înan ke hîskerdene. Piyê ci Çetînkaya vat: 'Dersîm rê sewda xo ya pîlî est bî, vinitisê xo û koyanê Dersîm rê rayî guret'.

Qeyta nêqiye qebûl nêkerd

Birayê ci Adîl Can kî ano zon ke Brûsk a bira ra jede jê heval bibîme.  'Qeyta bi namê venga mi nêdene bira vatene. Waxto ke Brûsk'a piya zîndane de şiyene diyayisê piyê xo, vatene 'waxto ke ez bîno pîl tifongimine girs beno û piyê xo naca ra xelesnon.' Qeyta nêqiye qebûl nêkerdene.
Xala ci Songul Yildirim kî ard zon ke Brûsk, yaraniye kerdene, wayire îtîqat û hûyayis bî. Xaleke Yildirim da zonayene ke Brûsk ' Mordem o ke her tim bi wayisa qeseykerdene. Riyê iyê bi wayisan qeyta xo vîr ra nêkon. Hata ke şî her tim huya. Tekoşîn û dawa xo rê bawerkerdene. Waxto ke iyê an xo vîrrê riyê iyê wayisîn vînon û qeyta nêberbon.'