Însanî de ke vîjdano xiravin bî, wayîrê riyê şayî bî niya qeseykeno.
Ebi xo vano ‘ez 40 serrî yo siyasetî mîyan deru’
Ma eke henyo, ti siyaset û dewleta tirkî hata nika kurdan rê se kerdo, rind zonena. Dewleta to kurdan rê se kerd, to nêwast bivînê, qirayîs û çizayîsê kurdan rê to gosê xo guretî, Bulent beg.
Bulent Arinç her tim lewê faşîzm de cayê xo guret. Xêle biyayîsan rê şahîdenî kerde, hama qeyta vengê xo nêvet. Waxtoke 1996 24ê îlone hepisxanê Amed de 10 mehkumê kurdî ameyî qetil kerdene, hukumat partiya Bulent Arinç Partiya Refah û Dogru Yol dest de bî. Nî 10 mehkumî Nîhat Çakmak, Ridvan Bulut, Edîp Donekçî, Erkan Perîşan, Hakki Tekîn, Ahmet Çelîk, Mehmet Sabrî Gumuş, Cemal Çam, Mehmet Batuye û Kadîr Demîr hetê hukumatê Bulent Arinç ra ameyî qetil kerdene. Arinç şahîdê na qetlîam bî. Bêveng mend.
Ma qey, Bulent Arinç hata ewro nêzonenê, generalanê dewleta ey darbe ya 1980 ra dime mehkuman rê sene îşkence kerdenê! Bulent Arinç avukat o. Yê jû avukatê siyasî herhalde xebera xo kerdîsanê dewlete ra esta.
Heya devam bikerîme!
Pekî Ugur Kaymaz waxtê kamij hukumat de ame kistene, Bulent Arinç Kot bî. O waxt AKaPe 2 serrî hukumat de biye. Bulent Arinç şahîdê na biyayîşî bî, vengê xo nêvet.
Ceylan Onkol hetê kamî ra û waxtê kamij hukumatî de ebi jû rakete amê pirtley kerdene, Bulent Arinç naye zî rind zoneno, la vengê xo nêvet.
Hepisxanê Pozanti de domonanê kurdî rê kamî taciz û tecawiz kerd, Bulent Arinç na biyayîs zî zoneno, la onca vengê xo nêvezeno.
Ma qey, polîsê Bulent Arinç her roz zuzaq û kolonan de kokim, domon, cenî û camerdê kurdî rê bi qaz zulm û îşkence nêkenê!
Qorucuyanê dewlet û hukumatanê tirk, çond ceniyanê kurd rê tecawiz kerd, mal û milkê dewizan dest ra guret, xevera Bulent Arinç na hedîse ra zî esta, la hona sîstema qorucenî mudafa keno.En jede waxtê hukumatê AKaPe de însanê kurdî lînç bî, Bulent Arinç nî biyayîşî dî, vengê xo nêvet. Û en peyecoy, Roboskî de bi emrê hukumatê to 34 domonî kurdî ameyî qetil kerdene, Bulent beg, ti pê kamî xapnena!
Nika wisto ra vano ‘ Gultan Kişanak rê zîndanê Amed de îşkece’ û nêzon çi biyo û eke ez biyenê ez zî vejiyenê koyan!! Ha ha ha!!
Ma zî hora Bulent Arinç rê nika îman keme!!!! Derdê sima cizdanê sima wo, vîjdanê sima niyo, Bulent beg. Heştîreke sima verdanê de, pêro zur yê.
***
Endî beso! Nika tam waxt o: Sazî, dezge û rêxistinê ma gune endî tirkî weşiya xora vezê. Rojnamê ma gune pelganê tirkî kêmkerê, televziyonê ma programanê tirkî kêmkerê, siyasetvanê ma eskerakerdîsan bi zonanê kurdistanî bide.