Wekîla HDPyî ya kehene Burcu Çelîke, seba piştîdayîşê Leyla Guvena ke seba waştişê tecrîdê Îmraliyî bêro wedartene 83 rojî yo grevê veşanîye de ya, dest bi grevê vêşanîye yê 10 rojan kerd.
Xebera destpêkerdişê grevê vêşanîye ya Burcu Çelîke medyaya sosyal a resmî ya Meclîsa Cinîyan ê HD’Pyî de ameye parekerdene.
Eşkerayîya ke ameya kerdene wina ya: “Xoverrodayîşê grevê vêşanîye yê ke seba tecrîdo ke serê Birêz Ocalanî de yo bêro wedartene û bi rayberîya Leyla Guvene dest pêkerdo vila beno. Burcu Çelîke ya ke Hepisxaneyê Kandira de rehîn yena girewtene bi çalakîya grevê vêşanîye ya biagêrayîşî ya 10 rojan beşdarê xoverrodayîşî bîye. Xoverrodayîşê cinîyan do dêsanê tecrîdî bişikno.”
MERKEZÊ XEBERAN
Ganî tecrîd nika cade bêro wedarite
Huqûqnaso namdar Leîf Erîkssonî derheqê tecrîdê serê Rayberê Şarê Kurdî Abdullah Ocalanî de va: “Ganî nika cade bêro wedaritene.“
Leîf Erîksson 30 serre yo avukatîya cezaye keno û Swîsre de namdar o. Leîf Erîkssonî va tecrîdê serê Rayberê Şarê Kurdî Abdullah Ocalanî teberê prensîbanê bingehê huqûqî de yo û waşt ke wa tecrîd derhal bêro wedaritene.
Erîkssonî bi yew vîdeoyî peyamê xo pare kerd û va girewteyî ganî avukatanê xo de pêvînayîşan bikerê û no prensîbê huqûqî yo esasî û heqê merdiman o. Erîkssonî vîdeoyî de wina va: “Naye ra zî Leyla Guvene -seba ke Ocalan serra 2016‘î ra nat avukatanê xo de pêvînayîşan nêkeno kewta grevê vêşanîye û dewaya xo de heqdar a. Ez zî paştdarîye dana talebanê Leyla Guvene û vana wa tecrîdê serê Ocalanî bêro wedaritene.“
ANF/STOCKHOLM