Şaredarî beyanatî de waşt ke wa Hemserekê Şaredarî ca de serbest bêrê veradayîş û wa her kes îradeyê şarî rê hurmet nîşan bido.
Şaredarîya Bajarê Girdî ya Amedî derheqê tepişîyayîşê Hemserekanê Şaredarîya Bajarê Girdî Gultan Kişanake û Firat Anliyî de yew beyanatêko nuştekî weşana. Beyanat de ame îzahkerdiş ke Gulten Kişanake û Firat Anli hetê ekîbanê Mudirîyetê Asayîşî ra ameyî tepiştiş û wina ame vatiş “Wexto ke Hemserekê Şaredarî ameyî tepiştiş dima ra polîsan eşt bînaya şaredarî ser. Dima ra cendermeyî zî ameyî verê şaredarî û zereyê bîna de hetanî serê siba hetê polîsan ra cigêrayîş virazîya.
Beyanatê Şaredarî de ame îzahkerdiş ke Gultan Kişanake Teyareygehê Amedî, Firat Anli zî keyeyê xo de ameyo tepiştiş û ame waştiş ke wa Hemserekê Şaredarî ca de serbest bêrê veradayîş û wa her kes îradeyê şarî rê hurmet nîşan bido.
AMED