Hewna di Kanîreşa Çewlîgî de şar saetê şewî ra hetanê saetê sersibeyî rayîrê Kanîreş û Çewlîgî trafîkê ra girewtî, çalakî peynîya aşkeradayişê Însîyatîfê Şarî û ciwanan peynî bi. Ciwanan di aşkerayê xo de vatê ke seba kurdan Kobanê cayeke zaf muhîm û stratejîk o û no ser zî înan her kesî ra seba hîsgêrîyî veng danê.


KOORDÎNATOR AKP
Ciwana di aşkerayê xo de wina vatê: “Hetanê AKP, DAIŞî ra hetkarî bido do no ardvînayî de çew rehet nêkero. Ganî AKP no şaşê xo ra tepa gam bierzo. Di Kanîreşî de welatijê ma tena bi kerrayan dewletî Kanîreşî ra fetelnayê, eke do meşte şerê şarî yê demokratîk destpê bikero, no demî çew nêşkeno verê şarê kurd bivindero. Ewro kesekê no şerî ra bêveng vindenî do meşte nêşkî di banan xo de bi rehetî roşî. Heme Tirkîya û dinya bizanekê kurdan tena cuyayişê demokratîk wazenê eke kam verê no waştişê bivindero se do kurdan înan na dinyayê zîndan bikerê.”

DÎHA